തിരുവനന്തപുരം: മാസപ്പടി വിവാദം കോടതിയുടെ മേല്‍നോട്ടത്തില്‍ അന്വേഷിക്കണമെന്ന് പ്രതിപക്ഷ നേതാവ് വി ഡി സതീശന്‍. മാസപ്പടി വിവാദം ഏജന്‍സികള്‍ ഒത്തുതീര്‍ക്കുമോ എന്ന് ഭയമുണ്ട്. അതുകൊണ്ടാണ് കോടതിയുടെ മേല്‍നോട്ടത്തില്‍ അന്വേഷണം ആവശ്യപ്പെടുന്നത്. തിരഞ്ഞെടുപ്പിന് മുമ്പ് രാഷ്ട്രീയ അജണ്ട ഉണ്ടാക്കുകയാണ്. സംഘപരിവാറും കേരളത്തിലെ സിപിഐഎമ്മും തമ്മില്‍ അവിഹിത ബന്ധമാണെന്നും വി ഡി സതീശന്‍ ആരോപിച്ചു. രാഷ്ട്രീയ എതിരാളികളെ ലക്ഷ്യമിടുന്നതിനെയാണ് എതിര്‍ക്കുന്നത്. കേന്ദ്ര ഏജന്‍സികള്‍ തെറ്റായ ഇടപെടല്‍ നടത്തിയാല്‍ മുഖ്യമന്ത്രിക്കൊപ്പം നില്‍ക്കും.
തിരുവനന്തപുരത്തും തൃശൂരിലും യുഡിഎഫ് വിജയിക്കുമെന്നും പ്രതിപക്ഷനേതാവ് പറഞ്ഞു. ജ്യോതി ബസുവിന്റെ പേരിലുള്ള പരിപാടി വേണ്ടെന്ന് വെച്ചിട്ടാണ് പിണറായി വിജയന്‍ മോദിയെ സ്വീകരിക്കാന്‍ പോയതെന്നും സതീശന്‍ പറഞ്ഞു.
