മലപ്പുറം: കരിപ്പൂര് വിമാനത്താവളം വഴി കടത്താന് ശ്രമിച്ച 864 ഗ്രാം 24 ക്യാരറ്റ് സ്വര്ണ്ണം പൊലീസ് പിടിച്ചെടുത്തു. സംഭവത്തില് ഒരു യാത്രക്കാരനെ പൊലീസ് കസ്റ്റഡിയിലെടുത്തു. ഏപ്രില് 16 ന് 6:30 ന് ഷാര്ജയില് നിന്നും വന്ന എയര് ഇന്ത്യാ എക്സ്പ്രസ്സ് (കത 356) വിമാനത്തില് കരിപ്പൂര് വിമാനത്താവളത്തിറങ്ങിയ പെരിന്തല്മണ്ണ നെമ്മിനി സ്വദേശി അബ്ദുല് റഹീം (38) ആണ് 864 ഗ്രാം സ്വര്ണ്ണവുമായി എയര്പോര്ട്ടിന് പുറത്ത് വെച്ച് പൊലീസ് പിടിയിലായത്.
സ്വര്ണ്ണം മിശ്രിത രൂപത്തിലാക്കി മൂന്ന് കാപ്സ്യൂളുകളാക്കി ശരീരത്തിനകത്ത് ഒളിപ്പിച്ചാണ് ഇയാള് കടത്താന് ശ്രമിച്ചത്. അഭ്യന്തര വിപണിയില് 60 ലക്ഷത്തിലധികം വില വരും പിടിച്ചെടുത്ത സ്വര്ണ്ണത്തിന്. ഇലക്ഷനോടനുബന്ധിച്ചുള്ള ഹവാല പണമിടപാടുകള് തടയാനായി നടത്തുന്ന പൊലീസിന്റെ വാഹന പരിശോധനയിലാണ് സ്വര്ണ്ണം കണ്ടെത്തിയത്.