തിരുവനന്തപുരം: അധ്യാപകരുടെ ക്ലസ്റ്റർ പരിശീലനം നടക്കുന്നതിനാല് ഒന്നു മുതല് 10 വരെ ക്ലാസുകള്ക്ക് ജനുവരി 27ന് പൊതു വിദ്യാഭ്യാസ ഡയറക്ടർ അവധി പ്രഖ്യാപിച്ചു.
ക്ലസ്റ്റർ പരിശീലനത്തിനു മുന്നോടിയായി വിദ്യാഭ്യാസമന്ത്രി വി. ശിവൻകുട്ടി വിദ്യാഭ്യാസ വകുപ്പിലെ ഉന്നത ഉദ്യോഗസ്ഥരുടെ യോഗം വിളിച്ചിരുന്നു. സർക്കാർ, എയ്ഡഡ് സ്കൂളുകളില് നിന്നായി 1,34,540 അധ്യാപകർ ക്ലസ്റ്റർ പരിശീലനത്തില് പങ്കെടുക്കും.
എല്പി വിഭാഗത്തിന് ക്ലാസ് അടിസ്ഥാനത്തില് പഞ്ചായത്ത് തലത്തിലും യുപി വിഭാഗത്തിന് വിഷയാടിസ്ഥാനത്തില് ബിആർസി തലത്തിലും ഹൈസ്കൂള് വിഭാഗത്തിന് വിഷയാടിസ്ഥാനത്തില് വിദ്യാഭ്യാസ ജില്ലാതലത്തിലുമാണ് ക്ലസ്റ്റർ പരിശീലനങ്ങള് നടക്കുന്നത്.