തിരുവനന്തപുരം:ഭിന്നശേഷിക്കാരിയെ കൊന്ന് കിണറ്റിലിട്ടു, മാതാവ് പോലീസ് സ്‌റ്റേഷനില്‍ കീഴടങ്ങി.ചിറയിന്‍കീഴ് ചിലമ്പില്‍ പടുവത്ത് വീട്ടില്‍ അനുഷ്‌ക (എട്ട്) ആണ് കൊല്ലപ്പെട്ടത്.
അമ്മ മിനി(48) യാണ് പെണ്‍കുട്ടിയെ കൊലപ്പെടുത്തിയത്.
അമ്മ ചിറയിന്‍കീഴ് പോലീസ് സ്റ്റേഷനിലെത്തി കുറ്റം സമ്മതിക്കുകയായിരുന്നു. ശ്വാസം മുട്ടിച്ച്‌ കൊലപ്പെടുത്തിയ ശേഷമാണ് മകളെ കിണറ്റിലിട്ടതെന്നാണ് മിനിയുടെ മൊഴി. ഈ മാസം 19 മുതല്‍ മിനിയേയും അനുഷ്‌കയേയും കാണാനില്ലായിരുന്നു.
ഫോറന്‍സിക്, വിരലടയാള വിദഗ്ധര്‍ സംഭവ സ്ഥലത്തെത്തി. ആറ്റിങ്ങല്‍ നിന്നുള്ള ഫയര്‍ഫോഴ്‌സ് സംഘവും സ്ഥലത്തെത്തി.
