ഹൈദരാലി ശിഹാബ് തങ്ങളുടെ ഭൗതിക ശരീരം പാണക്കാട് ജുമുഅത്ത് പള്ളി ഖബര്സ്ഥാനില് ഖബറടക്കി. കടലുണ്ടിപ്പുഴയുടെ തീരത്ത് പിതാവ് പൂക്കോയ തങ്ങളുടെയും മാതാവ് മറിയം ചെറിഞ്ഞി ബീവിയുടെയും സഹോദരന്മാരായ ഉമറലി ശിഹാബ് തങ്ങളുടെയും മുഹമ്മദലി ശിഹാബ് തങ്ങളുടെയും ചാരത്ത് തന്നെയാണ് ഹൈദരലി ശിഹാബ് തങ്ങള്ക്ക് ഖബര് ഒരുക്കിയത്. ജുമാമസ്ജിദില് നടന്ന നിസ്കാരത്തിന് സാദിഖലി ശിഹാബ് തങ്ങള് നേതൃത്വം നല്കി.
തിങ്കളാഴ്ച രാവിലെ ഒമ്പതിനാണ് ആദ്യം ഖബറടക്കം തീരുമാനിച്ചിരുന്നതെങ്കിലും പ്രതികൂലസാഹചര്യങ്ങളെതുടര്ന്ന് പുലര്ച്ചെ രണ്ടരയോടെ സംസ്ഥാനസര്ക്കാരിന്റെ ഔദ്യോഗിക ബഹുമതികളോടെ ഖബറടക്കം നടത്തുകയായിരുന്നു. പാണക്കാട് കുടുംബത്തിലെ പലരുടേയും ഖബറിടങ്ങളും ഇവിടെയുണ്ട്. ഖബറിന്റെ ജോലികള് ഞായറാഴ്ച വൈകീട്ടോടെതന്നെ പൂര്ത്തീകരിച്ചിരുന്നു.
മുസ്ലിം ലീഗ് സംസ്ഥാന അധ്യക്ഷന് ഹൈദരലി ശിഹാബ് തങ്ങള് അന്തരിച്ചു
മുസ്ലിം ലീഗ് സംസ്ഥാന അധ്യക്ഷന് ഹൈദരലി ശിഹാബ് തങ്ങള് അന്തരിച്ചു.
വന് ജനത്തിരക്കിനെ തുടര്ന്ന് മലപ്പുറം ടൗണ് ഹാളിലെ പൊതുദര്ശനം അവസാനിപ്പിച്ച് രാത്രി പന്ത്രണ്ടോടെ മൃതദേഹം പാണക്കാടേക്ക് കൊണ്ടുപോയിരുന്നു. പാണക്കാട്ടേക്ക് ആരും എന്തേണ്ടെന്ന് കുടുംബം അറിയിച്ചിരുന്നു എങ്കിലും പ്രവര്ത്തകരടക്കം ആയിരങ്ങള് എത്തിക്കൊണ്ടിരുന്നതും, ഇന്നത്തെ പൊതു ദര്ശനം നിയന്ത്രാണിതമാകുമെന്നതും മുന്നില് കണ്ടാണ് സംസ്ക്കാരം നേരത്തെയാക്കാന് കുടുംബം തീരുമാനിച്ചത്.
കേരളത്തിനകത്തും പുറത്തുമുള്ളവരുടെ ആദരത്തിന് പാത്രമായ വ്യക്തിത്വമെന്ന് ഗവര്ണ്ണര്, കേരള രാഷ്ട്രീയത്തിലെ സൗമ്യ സാന്നിധ്യമായിരുന്നു തങ്ങളെന്ന് മുഖ്യമന്ത്രി: പാണക്കാട് ഹൈദരലി ശിഹാബ് തങ്ങളുടെ നിര്യാണത്തില് അനുശോചന പ്രവാഹം