മൂവാറ്റുപുഴ: ലൈബ്രറികള് നാടിന്റെ സാംസ്കാരിക രംഗത്ത് മാറ്റങ്ങള് വരുത്തുമെന്ന് മൃഗസംരക്ഷണ ക്ഷീരവികസന വകുപ്പ് മന്ത്രി ജെ.ചിഞ്ചുറാണി പറഞ്ഞു. മൂവാറ്റുപുഴ ഈസ്റ്റ് വാഴപ്പിള്ളി പീപ്പിള്സ് ലൈബ്രറി & റിക്രയേഷന് ക്ലബ്ബിന്റെ പ്രതിഭ സംഗമം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. സംസ്ഥാനത്തെ ലൈബ്രറികളുടെ നേതൃത്വത്തില് രൂപീകരിച്ചിട്ടുള്ള ബാലവേദി, വനിത വേദി, യുവജനവേദി, വയോജനവേദി അടക്കമുള്ളവയുടെ പ്രവര്ത്തനം നാട്ടില് നൂതന ആശയങ്ങള് നടപ്പിലാക്കാന് കഴിയും ഇത് നാട്ടില് മാറ്റങ്ങള് വരുത്തുമെന്നും മന്ത്രി ജെ.ചിഞ്ചുറാണി പറഞ്ഞു. ലൈബ്രറി പ്രസിഡന്റ് ജേക്കബ് കുര്യന് അധ്യക്ഷത വഹിച്ചു.സെക്രട്ടറി സമദ് മുടവന സ്വാഗതം പറഞ്ഞു.പി.എ.അബ്ദുല് സമദ് ആമുഖ പ്രഭാഷണം നടത്തി. പഞ്ചായത്ത് പ്രസിഡന്റ് മാത്യൂസ് വര്ക്കി മുഖ്യ പ്രഭാഷണം നടത്തി.
ബ്ലോക്ക് പഞ്ചായത്ത് മെമ്പര് ഒ.കെ.മുഹമ്മദ്, സ്റ്റാന്റിംഗ് കമ്മറ്റി ചെയര്പേഴ്സണ് സാജിത മുഹമ്മദാലി, പഞ്ചായത്ത് മെമ്പര്മാരായ ഇ.എം.ഷാജി, ദീപ റോയി, സി.പി.ഐ മണ്ഡലം സെക്രട്ടറി ജോളി പൊട്ടയ്ക്കല്, ലൈബ്രറി പഞ്ചായത്ത് നേതൃത്വ സമിതി കണ്വീനര് ഇ.എ.ഹരിദാസ്, സി പി ഐ ലോക്കല് സെക്രട്ടറി പി.വി. ജോയി, ലൈബ്രറി ഭാരവാഹികളായ എം.വി.സുഭാഷ്, പി.എ.മൈതീന്, കെ.കെ.സുമേഷ്, എ.എന്.മണി, രാജു കാരിമറ്റം, സിജു വളവി, ഷാജി ആരിക്കപ്പിള്ളി, ബിനോയി പൊടിക്കണ്ടം, വിനോദ് കുന്നുംപുറം, ലിസ്സി ജോളി എന്നിവര് സംബന്ധിച്ചു. ചടങ്ങില് പ്ലസ്ടു പരീക്ഷയില് എ പ്ലസ് നേടി വിജയിച്ച ഹന നുഫൈലിന് താജുദ്ധീന് മൗലവി എന്ഡോവ്മെന്റ് പുരസ്കാരവും ക്യാഷ് അവാര്ഡും എസ് എസ് എല് സി, പ്ലസ്ടു പരീക്ഷയില് ഫുള് എപ്ലസ് വാങ്ങിയ 28 കുട്ടികള്ക്ക് മന്ത്രി ജെ. ചിഞ്ചുറാണി പ്രതിഭ പുരസ്കാരം കൈമാറി. കരിയര് ഗൈഡന്സ് ക്ലാസിന് പ്രൊഫ.അബ്ദുല് അലി, ഹസീന ആസിഫ് എന്നിവര് നേതൃത്വം നല്കി.