അഞ്ചു നാള് നീണ്ടു നിന്ന മുപ്പത്തിമൂന്നാമത് എറണാകുളം റവന്യൂ ജില്ലാ സ്കൂള് കലോത്സവത്തിന് സമാപനമായി. പറവൂര് ബ്ലോക്ക് പഞ്ചായത്ത് പ്രസിഡന്റ് സിംന സന്തോഷിന്റെ അധ്യക്ഷതയില് നടന്ന സമാപന സമ്മേളനം ബെന്നി ബെഹനാന് എംപി ഉദ്ഘാടനം ചെയ്തു. 804 പോയിന്റുകളോടെ എറണാകുളം ഉപജില്ല ഓവറോള് കിരീടം നേടി. 752 പോയിന്റുകളോടെ നോര്ത്ത് പറവൂര് ഉപജില്ല ഫസ്റ്റ് റണ്ണര് അപ്പ് ആയപ്പോള് 723 പോയിന്റുകളോടെ ആലുവ സെക്കന്റ് റണ്ണര് അപ്പ് ആയി.
260 പോയിന്റ് നേടിയ സെന്റ് തെരേസാസ് സി.ജി.എച്ച്.എസ്.എസ് എറണാകുളം ഏറ്റവും കൂടുതല് പോയിന്റുകള് നേടിയ വിദ്യാലയത്തിനുള്ള ട്രോഫി നേടി. 213 പോയിന്റുകളോടെ ഹിദായത്തുല് ഇസ്ലാം എച്ച്എസ്.എസ് എടവനക്കാട് ഫസ്റ്റ് റണ്ണര് അപ്പ് ആയപ്പോള് 199 പോയിന്റുകളോടെ സെന്റ് അഗസ്റ്റിന്സ് ഗേള്സ് എച്ച്.എസ്.എസ് മൂവാറ്റുപുഴ സെക്കന്റ് റണ്ണര് അപ്പ് ആയി.
വിജയികള്ക്കുള്ള ട്രോഫികള് കെ.എന് ഉണ്ണികൃഷ്ണന് എംഎല്എ വിതരണം ചെയ്തു. പറവൂര് നഗരസഭ ചെയര്പേഴ്സണ് വി.എ പ്രഭാവതി വിശിഷ്ടാതിഥിയായി. വടക്കേക്കര ഗ്രാമപഞ്ചായത്ത് പ്രസിഡന്റ് രശ്മി അനില്കുമാര്, കോട്ടുവള്ളി ഗ്രാമപഞ്ചായത്ത് പ്രസിഡന്റ് കെ.എസ് ഷാജി, ചിറ്റാറ്റുകര ഗ്രാമപഞ്ചായത്ത് പ്രസിഡന്റ് ശാന്തിനി ഗോപന്, ചേന്ദമംഗലം ഗ്രാമപഞ്ചായത്ത് പ്രസിഡന്റ് ദിവ്യ ഉണ്ണികൃഷ്ണന് തുടങ്ങിയവര് സംസാരിച്ചു.