ആലപ്പുഴ: മസ്റ്ററിംഗ് നടത്താത്തതിന് റേഷന്‍കട ജീവനക്കാരന്‍റെ തലയില്‍ ബിയര്‍ക്കുപ്പികൊണ്ട് അടിച്ചയാള്‍ അറസ്റ്റില്‍.സനല്‍(43) ആണ് പിടിയിലായത്.വലിയകുളങ്ങര മണലില്‍ കാട്ടില്‍ ശശിധരന്‍ നായര്‍ക്ക് നേരെയായിരുന്നു ആക്രമണം. പരിക്കേറ്റ ഇയാളെ ആശുപത്രിയിലേക്ക് മാറ്റി.മഞ്ഞക്കാര്‍ഡുകാരുടെ മസ്റ്ററിംഗ് ചെയ്തുകൊണ്ടിരുന്നപ്പോള്‍ പിങ്ക് കാര്‍ഡുമായി എത്തിയ സനല്‍ മസ്റ്ററിംഗ് നടത്തണമെന്ന് ആവശ്യപ്പെട്ടു. അടുത്തദിവസംവരാന്‍ ശശിധരന്‍ പറഞ്ഞു. ഇതോടെ പുറത്തുപോയ ഇയാള്‍ മദ്യപിച്ചെത്തി മദ്യക്കുപ്പികൊണ്ട് തലയ്ക്കടിക്കുകയുമായിരുന്നു.
