മുവാറ്റുപുഴ മുനിസിപ്പാലിറ്റിയുടെ കീഴിലുള്ള ഷോപ്പിംങ് കോംപ്ലക്സുകളുടെ അന്യായമായി വര്ദ്ധിപ്പിച്ച വാടക വര്ദ്ധനവ് അധികാരികള് പിന്വലിക്കണമെന്ന് മുവാറ്റുപുഴ മര്ച്ചന്റ് യൂത്ത് വിംഗ് പ്രമേയം പാസാക്കി. മുവാറ്റുപുഴ മര്ച്ചന്റ് യൂത്ത് വിംഗിന്റെ വാര്ഷിക പൊതുയോഗത്തില് വെച്ചാണ് പ്രമേയം പാസാക്കിയത് പ്രസിഡന്റ് ആരിഫ് PVM ന്റെ അധ്യക്ഷതയില് ചേര്ന്ന വാര്ഷിക പൊതുയോഗം മുവാറ്റുപുഴ മര്ച്ചന്റ് അസ്സോസിയേഷന് പ്രസിഡന്റ് അജ്മല് ചക്കുങ്ങല് ഉദ്ഘാടനം ചെയ്തു.
അസ്സോസിയേഷന് ജനറല് സെക്രട്ടറി ഗോപന് കലൂര് മുഖ്യ പ്രഭാഷണം നടത്തി. വാര്ഷിക പൊതുയോഗത്തില് വെച്ച് 2022-2024 കാലഘട്ടത്തിലേക്കുള്ള 19 അംഗ ഭരണ സമിതിയേയും പുതിയ ഭാരവാഹികളേയും തിരഞ്ഞെടുത്തു.
പ്രസിഡന്റ് ആരിഫ് PVM വൈസ് പ്രസിഡന്റുമാരായ സജിന് ബാലകൃഷ്ണന്, സ്വരാജ് S നായര്, ജന.സെക്രട്ടറി ജോബി മുണ്ടയ്ക്കല്, ജോയിന്റ് സെക്രട്ടറിമാരായ മുജീബ് റഹ്മാന് ഡീന് ജോണ്, ട്രഷറര് സാദിഖലി എന്നിവരെ തെരഞ്ഞെടുത്തു. ജോബി മുണ്ടയ്ക്കല് സ്വാഗതവും ഡീന് ജോണ് നന്ദിയും പറഞ്ഞു.