കോഴിക്കോട് ജില്ലാ പഞ്ചായത്ത് പ്രസിഡന്റ് കാനത്തില്‍ ജമീല അധ്യക്ഷ സ്ഥാനവും അംഗത്വവും രാജിവച്ചു. കൊയിലാണ്ടി നിയോജക മണ്ഡലത്തില്‍ നിന്ന് നിയമസഭയിലേക്ക് തിരഞ്ഞെടുക്കപ്പെട്ട സാഹചര്യത്തിലാണ് സെക്രട്ടറിക്ക് രാജിക്കത്ത് കൈമാറിയത്. നന്മണ്ട ഡിവിഷനെയാണ് ജമീല പ്രതിനിധീകരിച്ചിരുന്നത്. വൈസ് പ്രസിഡന്റ് എം.പി. ശിവാനന്ദന് പ്രസിഡന്റിന്റെ അധികച്ചുമതല നല്‍കിയിട്ടുണ്ട്.
ജില്ലാ പഞ്ചായത്തില്‍ ആകെ ഇരുപത്തി ഏഴ് അംഗങ്ങളാണു ള്ളത്. തെരഞ്ഞെടുപ്പ് കമ്മീഷന്‍ നിര്‍ദ്ദേശിക്കുന്നതിനനുസരിച്ച് നന്മണ്ട ഡിവിഷനില്‍ തെരഞ്ഞെടുപ്പ് നടക്കും.
അതേസമയം, എല്‍ജെഡി ഒഴികെ എല്ലാവരെയും മന്ത്രിസഭയിലേക്ക് പരിഗണിച്ച് 21 അംഗം മന്ത്രിസഭ പ്രഖ്യാപിച്ച് ഇടതു മുന്നണി. കേരള കോണ്‍ഗ്രസിന് മന്ത്രിപദവിയും ചീഫ് വിപ്പു നല്‍കി. ജനാധിപത്യ കേരള കോണ്‍ഗ്രസിലെ ആന്റണി രാജുവും ഐ.എന്‍.എല്ലിലെ അഹമ്മദ് ദേവര്‍കോവിലും ആദ്യ ടേമില്‍ മന്ത്രമാരാവും. സ്പീക്കര്‍ പദവി സിപിഎമ്മിനും ഡപ്യൂട്ടി സ്പീക്കര്‍ പദവി സിപിഐക്കുമാണ്. വകുപ്പുകള്‍ മുഖ്യമന്ത്രി തീരുമാനിക്കുമെന്ന് ഇടതു മുന്നണി കണ്‍വീനര്‍ എ വിജയരാഘവന്‍ പറഞ്ഞു
