കൊച്ചി: കഠിനാധ്വാനത്തോടൊപ്പം ബൗദ്ധികമായി പ്രതിസന്ധികളെ നേരിടുന്ന ‘സ്മാര്ട്ട് വര്ക്കി’ന്റെ കാലഘട്ടത്തില് വിദ്യാര്ത്ഥികള് അത്തരത്തില് ഒരുങ്ങണമെന്ന് ഹൈബി ഈഡന് എം.പി. ജില്ലാ പഞ്ചായത്തും ലോജിക് സ്കൂള് ഓഫ് മാനേജ്മെന്റും ചേര്ന്ന് സംഘടിപ്പിച്ച പ്രതിഭ സംഗമം പരിപാടി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. എസ്.എസ്എല്.സി, പ്ലസ്ടു പരീക്ഷകളില് എല്ലാ വിഷയങ്ങള്ക്കും എപ്ലസ് ലഭിച്ച ജില്ലയിലെ വിദ്യാര്ഥികളെയും 100% വിജയം കൈവരിച്ച സ്കൂളുകളെയും അനുമോദിക്കുന്നതിനായി ജില്ലാ പഞ്ചായത്തിന്റെയും ലോജിക് സ്കൂള് ഓഫ് മാനേജ്മെന്റിന്റെയും നേതൃത്വത്തില് ആണ് പ്രതിഭാ സംഗമം സംഘടിപ്പിച്ചത്.
സംസ്ഥാനത്ത് ആദ്യമായാണ് ഇത്തരത്തില് ഉന്നത വിജയം കൈവരിച്ച വിദ്ധ്യാര്ത്ഥികളെയും സ്കൂളുകളെയും ആദരിക്കുന്നതിനായി പ്രതിഭാ സംഗമം സംഘടിപ്പിക്കുന്നത്. എറണാകുളം ജില്ലയില് നാലായിരത്തോളം വിദ്യാര്ത്ഥികളാണ് കനത്ത മഴയിലും പ്രതിഭാ സംഗമത്തിനെത്തിയത്.
ലോകത്തിന്റെ ഏതു കോണിലും ഏത് കോഴ്സുകളും പഠിക്കാനും പരിചയപ്പെടാനുമുള്ള സാഹചര്യം ഇന്ന് നിലവിലുണ്ട്. ജാതിയുടെയും ലിംഗതിന്റെയും പേരില് വിദ്യാഭ്യാസം നിഷേധിക്കപ്പെടുന്ന സാഹചര്യം രാജ്യത്തിന്റെ പല ഭാഗത്തും നിലനില്ക്കുമ്പോള് കേരളത്തിലെ പൊതു വിദ്യാഭ്യാസ മേഖല എല്ലാ വിഭാഗങ്ങളുടെയും പ്രതിനിധ്യം ഉറപ്പാക്കുന്നുണ്ട്. അറിവിന്റെ നിരവധിയായ ശ്രോതസുകളെ വിദ്യാര്ത്ഥികള് ഉപയോഗപ്പെടുത്തണമെന്നും എം.പി പറഞ്ഞു.
ജില്ലാ കളക്ടര് ജാഫര് മാലിക് ചടങ്ങില് മുഖ്യാഥിതി ആയി. വിദ്യാര്ത്ഥികള് മുന്നോട്ടുള്ള ജീവിതത്തിലും എ പ്ലസ് നേടാനായി ശ്രമിക്കണമെന്ന് കളക്ടര് പറഞ്ഞു. എല്ലാ വിഷയങ്ങള്ക്കും നേടിയ മികച്ച വിജയം മുന്നോട്ടുള്ള ജീവിതത്തിന് പ്രചോദനം നല്കും. എന്നാല് പ്രതിസന്ധികള് ഉണ്ടാകുമ്പോള് തരണം ചെയ്യാനുള്ള ആത്മ ബലം വിദ്യാര്ത്ഥികള് വളര്ത്തിയെടുക്കേണ്ടത് അത്യാവശ്യമാണ്. സ്കൂള് പാഠ്യപദ്ധതിതിയില് വ്യക്തിത്വ വികസന പ്രവര്ത്തനങ്ങള് കൂടി ഉള്കൊള്ളിക്കാന് സ്കൂളുകള്ക്ക് സാധിക്കണമെന്നും കളക്ടര് പറഞ്ഞു. കോവിഡ് മൂലം പ്രതിസന്ധിയിലായ വിദ്യാഭ്യാസ മേഖലയില് വിദ്യാര്ത്ഥികള് എല്ലാ പ്രതിസന്ധികളെയും തരണം ചെയ്തു മികച്ച വിജയം കൈവരിച്ച വിദ്യാര്ത്ഥികളെയും കളക്ടര് അഭിനന്ദിച്ചു.
ജില്ലയിലെ സ്കൂളുകള്ക്ക് മികച്ച സൗകര്യങ്ങള് ഒരുക്കിയ ജില്ലാ പഞ്ചായത്തിനുള്ള പുരസ്കാരം കളക്ടര് ജില്ലാ പഞ്ചായത്ത് പ്രസിഡന്റ് ഉല്ലാസ് തോമസിന് കൈമാറി. നൂറു ശതമാനം വിജയം നേടിയ സ്കൂളുകള്ക്കുള്ള പുരസ്കാരം ചടങ്ങില് വിതരണം ചെയ്തു. എല്ലാ വിഷയങ്ങള്ക്കും എ പ്ലസ് നേടിയ വിദ്യാര്ത്ഥികള്ക്ക് സര്ട്ടിഫിക്കറ്റും ഉപഹാരവും കൈമാറി.
ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് അധ്യക്ഷത വഹിച്ച ചടങ്ങില് ജില്ലാ പഞ്ചായത്ത് വൈസ് പ്രസിഡന്റ് ഷൈനി ജോര്ജ്, സ്റ്റാന്റിംഗ് കമ്മിറ്റി ചെയര്മാന്മാരായ എം. ജെ ജോമി, ആശ സനല്, കെ.ജി ഡോണാ മാസ്റ്റര്, വിദ്യാഭ്യാസ വകുപ്പ് ഡെപ്യൂട്ടി ഡയറക്ടര് ഹണി ജി. അലക്സാണ്ടര്, ലോജിക് സ്കൂള് ഓഫ് മാനേജ്മെന്റ് അക്കാഡമിക് ഹെഡ് പ്രശാന്ത് ബാലചന്ദ്രന് ജില്ലാ പഞ്ചായത്ത് അംഗങ്ങളായ എ.എസ്. അനില്കുമാര്, മനോജ് മൂത്തേടന്, ശാരദാമോഹന് തുടങ്ങിയവര് സംസാരിച്ചു.
ജില്ലാ പഞ്ചായത്ത് അംഗങ്ങളായ അനിമോള് ബേബി, അഡ്വ. എം.ബി ഷൈനി, ഷൈമി വര്ഗീസ്, റഷീദ സലീം, കെ കെ ദാനി., നാസര് . പി എം, ഷാന്റിഎബ്രഹാം, അനിത ടീച്ചര്, എല്ദോ ടോം പോള്, ഭീപു കുഞ്ഞുകുട്ടി, ലിസി അലക്സ്, അഡ്വക്കറ്റ് ഉമാമഹേശ്വരി, അഡ്വ. റൈജ അമീര്, സനിത റഹീം, അഡ്വ.യേശുദാസ് പറപ്പിള്ളി, ഷാരോണ് പനക്കല്, അഡ്വ.എല്സി ജോര്ജ് എന്നിവര് പങ്കെടുത്തു.