ബി.ജെ.പിയുടെ അക്കൗണ്ട് പൂട്ടിക്കാന് കഴിഞ്ഞത് വലിയ കാര്യമാണെന്ന് പത്മജ വേണുഗോപാല്. തോല്വിയില് ദുഖമില്ല, ഇത്ര വലിയ ഒഴുക്കുണ്ടായിട്ടും ചെറിയ മാര്ജിനലിനാണ് തോറ്റത്, ഇവിടെ പിടിച്ചു നില്ക്കാനായത് തന്നെ തൃശൂരുകാര് എന്നോട് കാണിച്ച സ്നേഹമാണെന്നും പത്മജ പറഞ്ഞു.
വളരെ ചെറിയൊരു തോല്വിയാണ്, സുരേഷ്ഗോപി ഞങ്ങളുടെ കുറെ വോട്ടുകള് പിടിച്ചിട്ടുണ്ടാകുമെന്നാണ് കരുതുന്നത്. അല്ലെങ്കില് ഇത്ര വോട്ടൊന്നും അവര്ക്ക് ലഭിക്കില്ല. കോണ്ഗ്രസിനെ തോല്പിക്കാനായിട്ടുള്ള ബി.ജെ.പിയുടെ തന്ത്രമാണോ എന്ന് പരിശോധിക്കും. സംസ്ഥാനത്ത് ബി.ജെ.പി- എല്ഡിഎഫ് ബന്ധമുണ്ടെന്നും പത്മജ പറഞ്ഞു. സിനിമയില് കാണുന്നതല്ല ജീവിതം. പൊതുരംഗത്ത് പ്രവര്ത്തിച്ച് വന്നവരാണ് ഞങ്ങള്. ഇനിയും രാഷ്ട്രീയത്തിലും പൊതുരംഗത്തും സജീവമായിട്ടുണ്ടാകുമെന്നും തോല്വിയുടെ കാരണം പഠിക്കുമെന്നും പത്മജ പറഞ്ഞു.
പാര്ട്ടിയില്ലാത്ത സ്ഥലത്ത് പോയി പാര്ട്ടിയുണ്ടാക്കിയയാളാണ് മുരളീധരന്. അവിടെ ജയിക്കണം എന്നായിരുന്നില്ല ലക്ഷ്യം, ബി.ജെ.പിയെ ജയിക്കാന് അനുവദിക്കാതിരിക്കുക. അത് അദ്ദേഹം നടത്തിയെന്നും പത്മജ പറഞ്ഞു.
അതേസമയം എല്ഡിഎഫിന്റെ പി ബാലചന്ദ്രനാണ് തൃശൂരില് നിന്ന് വിജയിച്ചത്. ബാലചന്ദ്രന് 44,263 വോട്ടുകള് നേടിയപ്പോള് രണ്ടാം സ്ഥാനത്ത് എത്തിയ പത്മജ വേണുഗോപാല് 43,317 വോട്ടുകള് നേടി. മൂന്നാം സ്ഥാനത്തുള്ള സുരേഷ് ഗോപി നേടിയത് 40,457 വോട്ടുകള്.
