കാസര്ഗോഡ്: കാസര്ഗോഡ് വിവിധ ഇടങ്ങളില് അയ്യപ്പ ജ്യോതിയില് പങ്കെടുത്ത ആളുകല് സഞ്ചരിച്ചിരുന്ന വാഹനത്തിന് നേരെ കല്ലേറ്. കാസര്ഗോഡ് കണ്ണൂര് അതിര്ത്തിയായ കാലിക്കടവ് ആണൂരില് അയ്യപ്പ ജ്യോതിക്ക് പോയ പ്രവര്ത്തകര് സഞ്ചരിച്ചിരുന്ന ബസിന് നേരെ കല്ലേറുണ്ടായി.
കല്ലേറില് പരിക്കേറ്റവരെ പയ്യന്നൂരിലെ സ്വകാര്യ ആശുപത്രിയില് പ്രവേശിപ്പിച്ചു. പയ്യന്നൂര് കണ്ടോത്തും വാഹനത്തിനു നേരേ ആക്രമണം ഉണ്ടായി. കരിവെള്ളൂരില് വച്ചും വാഹങ്ങള്ക്ക് കല്ലേറിഞ്ഞു. കാസറഗോഡ് മാവുങ്കാലില് നിന്നുള്ള പ്രവര്ത്തകര്ക്കാണ് കല്ലേറില് പരിക്കേറ്റത്.
ശബരിമലയിലെ ആചാര അനുഷ്ഠാനങ്ങളുടെ സംരക്ഷണം എന്ന ആവശ്യവുമായാണ് ശബരിമല കര്മ്മ സമിതിയും ബി ജെ പിയും അയ്യപ്പജ്യോതി പ്രതിഷേധം സംഘടിപ്പിച്ചത്. കാസര്ഗോഡ് മുതല് കളിയിക്കാവിള വരെ പ്രവര്ത്തകര് ദീപം തെളിയിച്ചു.
