കൊച്ചി: കാസര്ഗോഡ് പെരിയയില് യൂത്ത് കോണ്ഗ്രസ് പ്രവര്ത്തകര് കൊല്ലപ്പെട്ട കേസിന്റെ അന്വേഷണം സിബിഐക്ക് വിടേണ്ടെന്ന് സര്‍ക്കാര്‍ ഹൈക്കോടതിയില്. കേസ് സിബിഐക്ക് വിട്ട ഹൈക്കോടതി സിംഗിള് ബെഞ്ച് ഉത്തരവിനെതിരെ നല്കിയ അപ്പീലിലാണ് സര്‍ക്കാര്‍ ഇക്കാര്യം വ്യക്തമാക്കിയത്.
കേസിലെ ഗൂഢാലോചന സംബന്ധിച്ച് അന്വേഷണം നടന്നതാണ്. ക്രൈംബ്രാഞ്ച് അന്വേഷണം കാര്യക്ഷമമായി മുന്നോട്ട് പോവുകയാണ്. ഈ സാഹചര്യത്തില് സിബിഐ അന്വേഷണം ആവശ്യമില്ലെന്നും സര്‍ക്കാര്‍ കോടതിയെ അറിയിച്ചു. ഹൈക്കോടതി ഡിവിഷന് ബെഞ്ച് കേസ് ചൊവ്വാഴ്ച പരിഗണിക്കും.
