കോഴിക്കോട്ട് വീണ്ടും ഓൺലൈൻ തട്ടിപ്പ്. ഡേറ്റിംഗ് ആപ്പ് വഴി പരിചയപ്പെട്ട യുവതി, യുവാവിൽ നിന്ന് ലക്ഷങ്ങൾ തട്ടി. പോലീസ് അന്വേഷണം ആരംഭിച്ചു.
കോഴിക്കോട് സ്വദേശിയായ യുവാവാണ് തട്ടിപ്പിനിരയായത്. കഴിഞ്ഞ മെയ് മാസത്തിലാണ് ഡേറ്റിംഗ് ആപ്പിലൂടെ, യുവതിയുമായി പരാതിക്കാരനായ യുവാവ് പരിചയത്തിലാകുന്നത്. പിന്നീട് കച്ചവടത്തിലൂടെ സാമ്പത്തിക നേട്ടമുണ്ടാക്കാമെന്ന് പ്രതികൾ യുവാവിനെ വിശ്വസിപ്പിച്ചു. തുടർന്ന് പരാതിക്കാരൻ്റെയും ഭാര്യയുടെയും അക്കൗണ്ടിൽ നിന്ന് പ്രതി പണം തട്ടിയെടുത്തു. 73 ലക്ഷം രൂപ നഷ്ടമായതായാണ് യുവാവിന്റെ പരാതി. കേസെടുത്ത സിറ്റി സൈബർ ക്രൈം പോലീസ്, അന്വേഷണം ആരംഭിച്ചു.
