മലപ്പുറം: രാജ്യദ്രോഹക്കുറ്റത്തിന് അറസ്റ്റിലായ മലപ്പുറം ഗവ. കോളേജ് വിദ്യാര്ത്ഥികളായ റിന്ഷാദിനും മുഹമ്മദ് ഫാരിസിനും ജാമ്യം ലഭിച്ചു. മലപ്പുറം ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയാണ് ജാമ്യം അനുവദിച്ചത്. ജില്ല വിട്ടുപോകരുത്, എല്ലാ ദിവസവും സ്റ്റേഷനില് ഹാജരാകണം എന്നീ നിബന്ധനകളോടെയാണ് ജാമ്യം.
കശ്മീരിനെ സ്വതന്ത്രമാക്കണമെന്ന പോസ്റ്റര് കോളേജ് ക്യാന്പസില് പതിച്ചെന്ന പ്രിന്സിപ്പലിന്റെ പരാതിയിലായിരുന്നു വിദ്യാര്ത്ഥികളുടെ അറസ്റ്റ്. രണ്ടാം വര്ഷ ബികോം വിദ്യാര്ത്ഥിയാണ് റിന്ഷാദ്. മുഹമ്മദ് ഫാരിസ് ഒന്നാം വര്ഷ ഇസ്ലാമിക് ഹിസ്റ്ററി വിദ്യാര്ത്ഥിയും.
നാല് ദിവസത്തെ പൊലീസ് കസ്റ്റഡി അവസാനിച്ചതോടെയാണ് റിന്ഷാദിനെയും മുഹമ്മദ് ഫാരിസിനെയും മലപ്പുറം ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയില് ഹാജരാക്കിയത്. കശ്മീരിന് സ്വാതന്ത്ര്യം അനുവദിക്കണമെന്ന പോസ്റ്റര് ക്യാമ്ബസില് പതിച്ചത് തങ്ങളല്ലെന്നായിരുന്നു ഇരുവരുടേയും വാദം. പോസ്റ്റര് പതിച്ചതിനെതിരെ പൊലീസില് പരാതിപ്പെട്ട കോളേജ് പ്രിന്സിപ്പല് വിദ്യാര്ത്ഥികളുടെ വാദം തള്ളിക്കളഞ്ഞിരുന്നു.
