കൊച്ചി:കനത്ത മഴ തുടരുന്ന എറണാകുളത്ത് പോളിങ് മന്ദഗതിയില്. കൊച്ചി നഗരത്തിലെ പലയിടത്തും വെള്ളംകയറി. ഇതോടെ കൊച്ചിയില് ദുരിതാശ്വാസ ക്യാമ്ബുകളും തുറന്നു.
കനത്ത മഴ തുടരുന്നതിനാല് എറണാകുളത്തെ സാഹചര്യങ്ങള് നിരീക്ഷിച്ചുവരികയാണെന്ന് മുഖ്യ തിരഞ്ഞെടുപ്പ് ഓഫീസര് ടിക്കാറാം മീണ. ഉപതിരഞ്ഞെടുപ്പ് നടക്കുന്ന എറണാകുളം നിയമസഭാമണ്ഡലത്തില് നിലവില് വോട്ടെടുപ്പ് മാറ്റിവെയ്ക്കേണ്ട സാഹചര്യമില്ലെന്നും ജില്ലാ കളക്ടറോട് റിപ്പോര്ട്ട് തേടിയിട്ടുണ്ടെന്നും അദ്ദേഹം അറിയിച്ചു.
നിലവില് വോട്ടെടുപ്പ് മാറ്റിവെയ്ക്കാന് തീരുമാനമില്ലെന്ന് ജില്ലാ കളക്ടര് എസ്.സുഹാസ് പ്രതികരിച്ചു. പ്രശ്നങ്ങള് നേരിടുന്ന ബൂത്തുകളിലും പ്രദേശങ്ങളിലും സാധ്യമായതെല്ലാം ചെയ്തിട്ടുണ്ടെന്നും നിരീക്ഷകരോട് വിവരങ്ങള് ആരാഞ്ഞിട്ടുണ്ടെന്നും അദ്ദേഹം പറഞ്ഞു.
