കാഞ്ഞങ്ങാട് പത്ത് വയസുകാരിയെ തട്ടിക്കൊണ്ടുപോയി സ്വർണം കവർന്ന സംഭവത്തിൽ ഞെട്ടിക്കുന്ന വിവരങ്ങൾ പുറത്ത്. കുട്ടി പീഡനത്തിനിരയായെന്ന മെഡിക്കൽ റിപ്പോർട്ട് പുറത്തു വന്നിരിക്കുകയാണ്.മെഡിക്കൽ റിപ്പോർട്ട് ലഭിച്ച ശേഷം മാത്രമേ ഇക്കാര്യത്തിൽ വ്യക്തത ലഭിക്കുകയൂള്ളൂവെന്ന് പൊലീസ് പറഞ്ഞു.വായ പൊത്തിപ്പിടിച്ചാണ് അക്രമി തന്നെ വീട്ടില് നിന്നും കൊണ്ടുപോയതെന്ന് ഇരയായ പെണ്കുട്ടി പൊലീസില് മൊഴി നല്കി.
ഇന്ന് പുലര്ച്ചെ കാസര്കോട് പടന്നക്കാട് ഒഴിഞ്ഞ വളപ്പിലാണ് സംഭവം നടന്നത്. പുലര്ച്ചെ മൂന്ന് മണിയോടെയാണ് സംഭവം. വീട്ടില് ഉറങ്ങിക്കിടക്കുകയായിരുന്ന പത്ത് വയസുകാരിയെ എടുത്ത്കൊണ്ട് പോവുകയായിരുന്നു.വീടിന്റെ മുന് വാതിലിലൂടെയാണ് അക്രമി അകത്തേക്ക് പ്രവേശിച്ചതെന്നാണ് പൊലീസ് നിഗമനം. കുട്ടിയുടെ മുത്തച്ഛന് പുലര്ച്ചെ പശുവിനെ കറക്കാന് പുറത്തേക്ക് ഇറങ്ങിയതിന് ശേഷമാണ് കുട്ടിയെ തട്ടിക്കൊണ്ടു പോയത്.വീടിന് അഞ്ഞൂറ് മീറ്റർ അകലെയാണ് കുട്ടിയെ ഉപേക്ഷിച്ചത്. കുട്ടിയുടെ കണ്ണിനും കഴുത്തിലും പരിക്കേറ്റിരുന്നു.കവര്ച്ചയ്ക്ക് പിന്നാലെ വഴിയില് ഉപേക്ഷിക്കപ്പെട്ട പെണ്കുട്ടി തൊട്ടടുത്ത വീട്ടിലെത്തി വിവരം അറിയിക്കുകയായിരുന്നു. പെണ്കുട്ടിയില് നിന്ന് പിതാവിന്റെ മൊബൈല് നമ്പര് വാങ്ങിയ കുടുംബം ഫോണില് ബന്ധപ്പെടുകയായിരുന്നു. വിരലടയാള വിദഗ്ധരും ഡോഗ് സ്ക്വാഡും സ്ഥലത്തെത്തി പരിശോധന നടത്തിയിരുന്നു. പ്രതിയെ കണ്ടെത്താനുള്ള അന്വേഷണത്തിലാണ് ഹൊസ്ദുര്ഗ് പൊലീസ്.
