ന്യൂഡല്ഹി: ഇന്ത്യയില് കൊറോണ വൈറസ് ബാധ സ്ഥിരീകരിക്കുന്നതിന് മുമ്പേ ആവശ്യമായ പ്രതിരോധ നടപടികള് സ്ഥീകരിച്ചിരുന്നതായി കേന്ദ്ര ആരോഗ്യ മന്ത്രി ഹര്ഷ വര്ധന്. വൈറസ് ബാധയില് ആശങ്കപ്പെടേണ്ട സാഹചര്യമില്ലെന്നും മന്ത്രി വ്യക്തമാക്കി. ചൈനയിലെ വുഹാനില്നിന്ന് തിരിച്ചെത്തിയ മലയാളി വിദ്യാര്ഥിക്ക് വൈറസ് ബാധ സ്ഥിരീകരിച്ചതിന് പിന്നാലെയാണ് കേന്ദ്രമന്ത്രിയുടെ പ്രതികരണം.
വൈറസിനെ പ്രതിരോധിക്കാന് സര്ക്കാര് സജ്ജമാണെന്നും എല്ലാ മുന്കരുതല് നടപടികള് സ്വീകരിച്ചതായും മന്ത്രി പറഞ്ഞു. ശക്തമായ പ്രതിരോധ നടപടികള് കേന്ദ്രം സ്ഥീരികരിച്ചിട്ടുണ്ടെന്നും ചൈനയില്നിന്ന് തിരിച്ചെത്തുന്ന എല്ലാവര്ക്കും വിമാനത്താവളങ്ങളില് ആവശ്യമായ മെഡിക്കല് പരിശോധന നടത്തി സുരക്ഷാ മുന്നൊരുക്കം നടത്തിയിരുന്നെന്നും മന്ത്രി വ്യക്തമാക്കി.
