ഇരിങ്ങാലക്കുട: നാഷണല് ഇന്സ്റ്റിറ്റ്യൂട്ട് ഓഫ് ഫിസിക്കല് മെഡിസിന് ആന്ഡ് റീഹാബിലിറ്റേഷനിലെ സ്പെഷ്യല് സ്കൂള് കുട്ടികള്ക്കായി (നിപ്മര് ) പോഷകാഹാര പദ്ധതി തുടങ്ങി. പദ്ധതിക്കായി ആരംഭിച്ച പ്രത്യേക ന്യൂട്രീഷ്യസ് കിച്ചണിന്റെ ഉദ്ഘാടനം ഉന്നത വിദ്യഭ്യാസ- സാമൂഹ്യനീതി വകുപ്പ് മന്ത്രി ഡോ: ആര്. ബിന്ദു നിര്വഹിച്ചു. പോഷകാഹാര പദ്ധതി സംസ്ഥാനത്ത് വിപുലപ്പെടുത്തുമെന്ന് മന്ത്രി പറഞ്ഞു.
ലോക സെറിബ്രല് പാള്സി ദിനാചരണത്തിന്റെ സംസ്ഥാന തല ഉദ്ഘാടനവും മന്ത്രി നിര്വഹിച്ചു. ചടങ്ങില് ആളൂര് ഗ്രാമ പഞ്ചായത്ത് പ്രസിഡന്റ് കെ. ആര്. ജോജോ അധ്യക്ഷത വഹിച്ചു. 45 ലക്ഷം രൂപ ചെലവഴിച്ചാണ് പോഷകാഹാര പദ്ധതി ആരംഭിച്ചത്. ഒരു കോടി ചെലവഴിച്ച് തയാറാക്കിയ പരിശീലനാര്ത്ഥികള്ക്കുള്ള താമസ സൗകര്യവും നിപ്മറിന് സമര്പ്പിച്ചു. ചടങ്ങില് മികവു തെളിയിച്ചവരെ ആദരിച്ചു. ആളൂര് ഗ്രാമ പഞ്ചായ ആംഗം മേരി ഐസക് ആശംസ അര്പ്പിച്ചു. നിപ്മര് എക്സിക്യുട്ടീവ് ഡയരക്ടര് ഇന് ചാര്ജ് സി. ചന്ദ്രബാബു സ്വാഗതവും ഫിസിയാട്രിസ്റ്റ് ഡോ: ടി.വി. നീന നന്ദിയും ആശംസിച്ചു. തുടര്ന്ന് രക്ഷിതാക്കള്ക്കുള്ള ബോധവത്കരണ പരിപാടിയും ഭിന്നശേഷി വിദഗ്ദര്ക്കുള്ള സാങ്കേതിക സെമിനാറും നടന്നു.