കോയമ്പത്തൂര്: സീറ്റു ലഭിക്കാത്തതിനെ തുടര്ന്ന് ആത്മഹത്യയ്ക്ക് ശ്രമിച്ച ഈറോഡ് എംപി എ ഗണേശമൂര്ത്തി അന്തരിച്ചു. കോയമ്പത്തൂരിലെ സ്വകാര്യ ആശുപത്രിയില് വച്ച് പുലര്ച്ചെയായിരുന്നു അന്ത്യം. ഹൃദയാഘാതത്തെ തുടര്ന്നാണ് മരണമെന്ന് ആശുപത്രി അധികൃതര് അറിയിച്ചു. എംഡിഎംകെ നേതാവാണ്.
ഞായറാഴ്ച പുലര്ച്ചെ 2.30നാണ് റൂമില് അബോധാവസ്ഥയില് ഗണേശമൂര്ത്തിയെ കണ്ടെത്തിയത്. തുടര്ന്ന് ഈറോഡിലെ സ്വകാര്യ ആശുപത്രിയിലേക്ക് മാറ്റി. പിന്നീട് വിദഗ്ധ ചികിത്സയ്ക്കായി കോയമ്പത്തൂരിലേക്കു മാറ്റുകയുമായിരുന്നു. ഉറക്കഗുളിക വെള്ളത്തില് കലക്കിയതായി റൂമില്നിന്നു കണ്ടെത്തിയിരുന്നു.
സീറ്റ് നിഷേധിച്ചതോടെ കടുത്ത നിരാശയിലായിരുന്നു ഗണേശമൂര്ത്തി . ഇന്ത്യ മുന്നണിയുടെ ഭാഗമായി മത്സരിക്കുന്ന ഡിഎംഡികെ ഈ റോഡ് സീറ്റ് ഡിഎംകെയ്ക്ക് നല്കിയിരുന്നു. പകരം വിരുധുനഗര് സീറ്റിലാണ് എംഡിഎംകെ മത്സരിക്കുന്നത്. ഇവിടെ എംഡിഎംകെ നേതാവ് വൈകോയുടെ മകന് ദുരൈ വൈകോയാണ് സ്ഥാനാര്ത്ഥി. പകരം നിയമസഭ തെരഞ്ഞെടുപ്പില് ഗണേശമൂര്ത്തിക്ക് സീറ്റ് നല്കാമെന്ന് പാര്ട്ടി നേതൃത്വം അനുനയ ശ്രമം നടത്തിയിരുന്നതായും റിപ്പോര്ട്ടുകളുണ്ട്.