തിരുവനന്തപുരം: നന്ദന്കോട് ഒരു കുടുംബത്തിലെ മൂന്ന് പേരെ മരിച്ച നിലയിൽ കണ്ടെത്തി. മനോജ് കുമാര് (45) ഭാര്യ രഞ്ജു (38), മകള് അമൃത (16) എന്നിവരാണ് വിഷം കഴിച്ച് മരിച്ചത്. മുണ്ടക്കയം സ്വദേശികളായ കുടുംബം നന്ദന്കോട് വാടകയ്ക്ക് താമസിക്കുകയാണ്. ഇന്ന് പുലര്ച്ചയോടെയാണ് വീടിനുള്ളിൽ മൂന്ന് പേരുടെയും മൃതദേഹം കണ്ടെത്തിയത്. തിരുവനതപുരം ചാലയില് സ്വര്ണ പണിക്കാരനാണ് മനോജ് കുമാര്.
കഴിഞ്ഞ ദിവസം രാത്രി മനോജ് കുമാറാണ് ആദ്യം വിഷം കഴിച്ചത്. ഇദ്ദേഹത്തെ പൊലീസെത്തി ആശുപത്രിയില് കൊണ്ടുപോയ സമയത്താണ് ഭാര്യ രഞ്ജുവും അമൃതയും വിഷം കഴിച്ചത്. ആശുപത്രിയില് നിന്നും ആളുകള് മടങ്ങി എത്തുമ്പോൾ ഇരുവരെയും മരിച്ച നിലയില് കണ്ടെത്തുകയായിരുന്നു. കടബാധ്യതയാണ് ആത്മഹത്യക്കു കാരണമെന്നാണ് പ്രാഥമിക നിഗമനം. മ്യൂസിയം പൊലീസ് അന്വേഷണം ആരംഭിച്ചു.
