ജമ്മു കാശ്മീർ: കശ്മീരിലെ ഹന്ജിന് രാജ്പോറയില് സൈന്യവുമായുണ്ടായ ഏറ്റുമുട്ടലില് മൂന്ന് ഭീകരരെ സൈന്യം വധിച്ചു. മേഖലയില് ഇപ്പോഴും ഏറ്റുമുട്ടല് തുടരുകയാണ്. ഇന്ന് രാവിലെ പുല്വാമയില് സുരക്ഷ സേനയും ഭീകരരുമായുള്ള ഏറ്റുമുട്ടലില് ഒരു ജവാന് വീരമൃത്യു വരിച്ചിരുന്നു.
കഴിഞ്ഞ കുറച്ചു ദിവസങ്ങളായി പുല്വാമ കേന്ദ്രീകരിച്ച് സൈന്യം തെരച്ചില് നടത്തിവരികയായിരുന്നു. ഡ്രോണ് ആക്രമണം ഉള്പ്പെടെ നടന്നതിൻ്റെ പശ്ചാത്തലത്തിലാണ് വ്യാപകമായ പരിശോധന സൈന്യം നടത്തുന്നത്. ഇതിനിടെയാണ് ഭീകരരുടെ ആക്രമണമുണ്ടായത്. പരിശോധനയ്ക്കിടെ ഭീകരര് ആക്രമിക്കുക ആയിരുന്നുവെന്ന് സൈന്യം പറയുന്നത്. ആക്രമണത്തില് ഒരു സൈനികന് പരുക്കേല്ക്കുകയും ചെയ്തു.
അതിനിടെ അതിര്ത്തി കടന്നെത്തിയ പാകിസ്താൻ്റെ ഡ്രോണ് ബിഎസ്എഫ് തകര്ത്തു. ഇന്ന് പുലര്ച്ചെ 4.25 നാണ് ഡ്രോണ് വെടിവച്ച് വീഴ്ത്തിയത്. ജമ്മുവിലെ അര്ണിയ സെക്ടറിലാണ് സംഭവം നടന്നത്. ഡ്രോണ് കണ്ടെത്തിയ സാഹചര്യത്തില് കൂടുതല് ജാഗ്രത പുലര്ത്താന് ബി.എസ്.എഫ് നിര്ദേശം നല്കിയിട്ടുണ്ട്. സുരക്ഷാ ക്രമീകരണങ്ങള് വിലയിരുത്തൻ ഇന്ന് ആഭ്യന്തര സഹമന്ത്രി കിഷന് റെഡി ജമ്മുവിലെത്തും.
