കോതമംഗലത്ത് ദന്ത ഡോക്ടറെ വെടിവച്ച ുകൊന്ന രാഖിലിന്റെ സുഹൃത്തിനെ കേന്ദ്രീകരിച്ച് അന്വേഷണം. കോതമംഗലത്ത് എത്താന്‍ രാഖിലിനെ ഒരു സുഹൃത്ത് സഹായിച്ചതായാണ് സംശയം. തലശേരി മേലൂര്‍ പ്രദേശത്ത് രാഖിലിന് കാര്യമായി സുഹൃത്തുക്കളില്ലെന്നാണ് നാട്ടുകാരുടെ മൊഴി.
ഇക്കാര്യം അന്വേഷിക്കുന്നതായി പൊലീസ് അറിയിച്ചു. അതേസമയം കൊല്ലപ്പെട്ട മാനസയുടെയും ആത്മഹത്യ ചെയ്ത രാഖിലിന്റെയും ഇന്‍ക്വസ്റ്റ് നടപടികള്‍ തുടങ്ങി. ഇന്‍ക്വസ്റ്റിനു ശേഷം മൃതദേഹങ്ങള്‍ കളമശേരി മെഡിക്കല്‍ കോളജില്‍ പോസ്റ്റ്‌മോര്‍ട്ടം ചെയ്യും.
വിശദമായ അന്വേഷണത്തിന് കോതമംഗലം എസ്.ഐ ഉള്‍പ്പെടുന്ന പ്രത്യേക സംഘം കണ്ണൂരിലേയ്ക്ക് തിരിച്ചു. വെടിയുതിര്‍ത്ത തോക്ക് രാഖില്‍ മോഷ്ടിച്ചതാകാമെന്ന സംശയത്തിലാണ് പൊലീസ്. രാഖിലിന്റെ സുഹൃത്തുക്കളെയടക്കം വിശദമായി ചോദ്യം ചെയ്യും.
