കേന്ദ്രമന്ത്രി നാരായണ് റാണെയെ മഹാരാഷ്ട്ര പൊലീസ് അറസ്റ്റ് ചെയ്തു. മുഖ്യമന്ത്രി ഉദ്ധവ് താക്കറെയ്ക്കെതിരായ പരാമര്ശത്തിലാണ് നടപടി. മുന്കൂര് ജാമ്യാപേക്ഷ തളളിയതോടെയാണ് കസ്റ്റഡിയിലെടുത്തത്. നാരായണ് റാണെയ്ക്കെതിരെ റജിസ്റ്റര് ചെയ്തത് മൂന്നു കേസുകളാണ്. സ്വാതന്ത്ര്യം നേടിയ വര്ഷം അറിയാത്ത മുഖ്യമന്ത്രിയെ തല്ലണം എന്നായിരുന്നു പരാമര്ശം.
‘സ്വാതന്ത്ര്യം കിട്ടിയ വര്ഷമേതാണെന്ന് അറിയാത്തത് ലജ്ജാകരമാണ്. സ്വാതന്ത്ര്യ ദിനത്തില് ജനങ്ങളെ അഭിസംബോധന ചെയ്യവേ വര്ഷം ഏതെന്ന് അന്വേഷിക്കാന് അദ്ദേഹം പിന്നിലേക്ക് നോക്കി. ഞാനവിടെ ഉണ്ടായിരുന്നെങ്കില് അദ്ദേഹത്തെ അടിച്ചേനെ’. നാരായണ് റാണെ പറഞ്ഞു. തിങ്കളാഴ്ച റായ്ഗഡില് വച്ചു നടന്ന ഒരു ചടങ്ങിനിടെയാണ് ഉദ്ധവ് താക്കറെയ്ക്കെതിരെ റാണെ വിവാദ പരാമര്ശം നടത്തിയത്.
വിഷയത്തില് ശിവസേന എംപി വിനായക് റാവത്തും റാണെയ്ക്കെതിരെ രംഗത്തെത്തിയിരുന്നു.
