കൊച്ചി : ഒടുവില് മുന്മന്ത്രി വി കെ ഇബ്രാഹിംകുഞ്ഞ് അറസ്റ്റിലായി. പാലാരിവട്ടം പാലം അഴിമതിയില് കുഞ്ഞിന്റെ അറസ്റ്റ് രേഖപ്പെടുത്തി. ഇബ്രാഹിം കുഞ്ഞ് ചികില്സയിലുള്ള നെട്ടൂരിലെ ലേക്ഷോര് ആശുപത്രിയിലെത്തിയാണ് വിജിലന്സ് സംഘം അറസ്റ്റ് രേഖപ്പെടുത്തിയത്. രാവിലെ മുന്മന്ത്രിയെ കസ്റ്റഡിയിലെടുക്കാനായി വിജിലന്സ് സംഘം ഇബ്രാഹിംകുഞ്ഞിന്റെ ആലുവയിലെ വീട്ടിലെത്തിയിരുന്നു.
എന്നാല് വീട്ടില് ഇബ്രാഹിം കുഞ്ഞിന്റെ ഭാര്യ മാത്രമാണ് ഉണ്ടായിരുന്നത്. ഇബ്രാഹിംകുഞ്ഞ് കൊച്ചിയിലെ സ്വകാര്യ ആശുപത്രിയില് ചികില്സയിലാണെന്ന് ഭാര്യ അറിയിച്ചു. നേരത്തെ പാലാരിവട്ടം പാലം അഴിമതിയുമായി ബന്ധപ്പെട്ട് നിരവധിതവണ ഇബ്രാഹിംകുഞ്ഞിനെ വിജിലന്സ് ചോദ്യം ചെയ്തിരുന്നു. അറസ്റ്റ് വിവരം ചോര്ന്നതോടെ ഇന്നലെ ആശുപത്രിയില് ചികിത്സതേടുകയായിരുന്നു കുഞ്ഞ്.
