അഭിമന്യുവിനെ കൊലപ്പെടുത്തിയ കേസിലെ മുഖ്യപ്രതി കോടതിയില് കീഴടങ്ങി. പത്താം പ്രതി സഹല് ആണ് ജില്ലാ സെഷന്സ് കോടതിയില് കീഴടങ്ങിയത്. എറണാകുളം മഹാരാജാസ് കോളേജ് വിദ്യാര്ത്ഥിയും എസ്എഫ്ഐ നേതാവുമായിരുന്ന അഭിമന്യു 2018 ജൂലെ രണ്ടിനാണ് കുത്തേറ്റ് മരിച്ചത്. എറണാകുളം മരട് നെട്ടൂര് മേക്കാട്ട് സഹല് (21) രണ്ട് വര്ഷമായി ഒളിവിലായിരുന്നു. കേസില് ഒമ്പത് പ്രതികള്ക്കെതിരെ വിചാരണ ആരംഭിച്ചിരുന്നു. സഹലിനെ കോടതി രണ്ടാഴ്ചത്തേക്ക് റിമാന്ഡ് ചെയ്തു.
