സ്വര്ണക്കടത്ത് കേസിലെ ഗൂഢാലോചന സംബന്ധിച്ച് സരിതാ എസ് നായരുടെ രഹസ്യ മൊഴി രേഖപ്പെടുത്താന് നീക്കം. പ്രത്യേക അന്വേഷണ സംഘത്തിന് നല്കിയ സാക്ഷി മൊഴിയാണ് രഹസ്യ മൊഴിയായി രേഖപ്പെടുത്തുക. തിരുവനന്തപുരം മജിസ്ട്രേറ്റ് കോടതിയിലാണ് രഹസ്യമൊഴി രേഖപ്പെടുത്തുക.
ഫെബ്രുവരി മുതല് സ്വപ്നാ സുരേഷ് ഗൂഡാലോചന നടത്തിയതായി അറിയാമെന്നും സ്വപ്നക്ക് നിയമ സഹായം നല്കുന്നത് ജോര്ജാണെന്നും സരിത മൊഴി നല്കിയിരുന്നു. പിസി ജോര്ജുമായി സ്വപ്നാ സുരേഷ് നേരില് കണ്ട് ഗൂഢാലോചന നടത്തിയെന്നും സരിത മൊഴി നല്കി. താനും സ്വപ്നാ സുരേഷുമായി സംസാരിച്ചിട്ടില്ലെന്നും സരിത മൊഴി നല്കി.
നേരത്തെ പിസി ജോര്ജും സരിതയും തമ്മില് സംസാരിക്കുന്ന ഫോണ് സംഭാഷണം പുറത്ത് വന്നിരുന്നു. ഇതിന് പിന്നാലെയാണ് സരിതയെ കേസില് സാക്ഷിയാക്കിയത്. സരിതയുടെ മൊഴി നിര്ണായകമാണെന്നാണ് അന്വേഷണ സംഘത്തിന്റെ വിലയിരുത്തല്. കേസില് ആദ്യമായാണ് ഒരാളുടെ മൊഴി രേഖപ്പെടുത്തുന്നത്.
