പുതുതായി ചുമതലയേറ്റ രാജസ്ഥാന് മന്ത്രി രാജേന്ദ്ര സിംഗ് ഗുധയുടെ പ്രസ്താവന വിവാദത്തില്. റോഡുകള് കത്രീന കൈഫിന്റെ കവിളുകള് പോലെയാകണം എന്ന മന്ത്രിയുടെ പരാമര്ശമാണ് വിവാദത്തിലായത്. ഇതുമായി ബന്ധപ്പെട്ട വീഡിയോ സമൂഹ മാധ്യമങ്ങളില് പ്രചരിക്കുന്നുണ്ട്.
ഉദയ്പൂര്വാതിയില് ജനങ്ങളുമായി ആശയ വിനിമയം നടത്തുന്നതിനിടെയാണ് രാജേന്ദ്ര സിംഗ് വിവാദ പരാമര്ശം നടത്തിയത്. മണ്ഡലത്തിലെ ചിലര് റോഡുകളുടെ അറ്റകുറ്റപ്പണികള് നടത്തണമെന്ന് മന്ത്രിയോട് ആവശ്യപ്പെട്ടിരുന്നു. ഇതിന് പിന്നാലെ വേദിയിലുണ്ടായിരുന്ന പൊതുമരാമത്ത് വകുപ്പിലെ ചീഫ് എഞ്ചിനീയറോട് മന്ത്രി തന്റെ മണ്ഡലത്തിലെ റോഡുകള് കത്രീന കൈഫിന്റെ കവിള് തടങ്ങള് പോലെ നിര്മ്മിക്കണം എന്ന് ആവശ്യപ്പെടുകയായിരുന്നു.
ഇത് ആദ്യമായല്ല മന്ത്രിമാര് മാതൃകാ റോഡുകളെ നടിമാരുമായി താരതമ്യം ചെയ്യുന്നത്. 2005ല് ആര്ജെഡി നേതാവ് ലാലു പ്രസാദ് യാദവും സമാനമായ പരാമര്ശം നടത്തിയിരുന്നു. ബിഹാറിലെ റോഡുകള് ഹേമാ മാലിനിയുടെ കവിളുകള് പോലെ മിനുസമാര്ന്നതാക്കുമെന്നായിരുന്നു ലാലു പ്രസാദ് യാദവിന്റെ പരാമര്ശം.
2019ല് മധ്യപ്രദേശ് നിയമമന്ത്രി പി.സി ശര്മ്മ റോഡുകളെ ‘ഡ്രീം ഗേള്’ എന്ന ചിത്രത്തിലെ നടിയുടെ കവിളുകള് പോലെ മനോഹരമാക്കി മാറ്റുമെന്ന് പറഞ്ഞിരുന്നു.