ഡാന്സ് റിയാലിറ്റി ഷോയ്ക്കിടെ മത്സരാര്ത്ഥികളുടെ കവിളില് കടിച്ച് നടി ഷംന കാസിമിനെതിരെ വിമര്ശനം. മികച്ച പ്രകടനം കാഴ്ച്ചവെച്ച മത്സരാര്ത്ഥികളെ പ്രശംസിക്കുന്നതിനിടെയാണ് താരം വേദിയില് വെച്ച് കവിളില് കടിക്കുകയും ചുംബിക്കുകയും ചെയ്തത്. വീഡിയോ സോഷ്യല് മീഡിയയില് വൈറലായതോടെയാണ് രൂക്ഷ വിമര്ശനവുമയര്ന്നിരിക്കുന്നത്.
ഇടിവി തെലുങ്കില് സംപ്രേഷണം ചെയ്യുന്ന ‘ധീ ചാമ്പ്യന്സ്’ ഷോയിലെ വിധികര്ത്താവാണ് ഷംന. ഷോയില് മികച്ച പ്രകടനം കാഴ്ചവെച്ച കുട്ടികളെ അടുത്ത് വിളിച്ചാണ് മുഖത്ത് കടിച്ചതും ചുംബിച്ചതും. പൊതുവേദിയില് താരത്തിന്റെ പെരുമാറ്റം കടന്നു പോയെന്നാണ് വിമര്ശകര് താരത്തിനെതിരെ ഉന്നയിക്കുന്നത്.
ഷോയുടെ റേറ്റിങ് കൂട്ടാന് വേണ്ടിയുള്ള തന്ത്രമാണിതെന്ന് അഭിപ്രായപ്പെടുന്നവരുണ്ട്. അതേസമയം താരത്തെ പിന്തുണച്ചും നിരവധി പേര് രംഗത്തെത്തിയിരുന്നു. ഇതാദ്യമായല്ല ഷംന ഇങ്ങനെയൊരു സ്നേഹ പ്രകടനം നടത്തുന്നത്. കഴിഞ്ഞ വര്ഷവും ഇതേ റിയാലിറ്റിഷോയില് നടി സമാനമായ രീതിയില് മത്സരാര്ത്ഥികളെ പ്രോത്സാഹിപ്പിച്ചിരുന്നുവെന്ന് അനുകൂലിക്കുന്നവര് പറയുന്നു.