കൊച്ചി: പ്രധാനമന്ത്രി നരേന്ദ്ര മോദിയുടെ 70 മത് ജന്മദിനാഘോഷത്തോട് അനുബന്ധിച്ച് നാഷണലിസ്റ്റ് കേരള കോൺഗ്രസ് സംസ്ഥാന വ്യാപകയായി മണ്ഡലം തലത്തിൽ മാസ്ക്കും മധുര പലഹാരങ്ങളും വിതരണം ചെയ്തു. സപ്തതി ആഘോഷങ്ങളുടെ സംസ്ഥാന തല ഉൽഘാടനം എറണാകുളം മേനക ജംഗ്ഷനിൽ മാസ്ക് വിതരണം ചെയ്ത് സംസ്ഥാന ചെയർമാൻ കുരുവിള മാത്യൂസ് നിർവഹിച്ചു. പറയുന്ന കാര്യങ്ങൾ പ്രവർത്തിപഥത്തിൽ കൊണ്ടുവരുന്ന ഇശ്ചാശക്തിയുള്ള ഭരണാധികാരിയാണ് നരേന്ദ്ര മോദിയെന്ന് സപ്തതി ആഘോഷം ഉൽഘാടനം ചെയ്തുകൊണ്ട് കുരുവിള മാത്യൂസ് ചൂണ്ടിക്കാട്ടി. സംസ്ഥാന ജനറൽ സെക്രട്ടറി എൻ എൻ ഷാജി ജില്ലാ പ്രസിഡൻ്റ് ജോയി ഇളമക്കര ,എം ജെ മാത്യു ,പി ഏ റഹിം ,കെ ജെ ടോമി ഉഷ ജയകുമാർ എന്നിവർ നേതൃത്വം നൽകി.
എറണാകുളം ജില്ലാതല ഉൽഘാടനം ആലുവായിൽ സംസ്ഥാന ജനറൽ സെക്രട്ടറി എം എൻ ഗിരി നിർവഹിച്ചു. തിരുവനന്തപുരത്ത് ബിജു നാരായണനും കൊല്ലത്ത് ജി ബിനു മോനും പത്തനംതിട്ടയിൽ ഫെബി ചെറിയാനും ആലപ്പുഴയിൽ ഉഷ ജയകുമാറും കോട്ടയത്ത് ജെയിംസ് കുന്നപ്പള്ളിയും ഇടുക്കിയിൽ ബിജി മണ്ഡപവും തൃശ്ശൂരിൽ എച്ച് ഷംസുദീനും പാലക്കാട് വള്ളിക്കാട് കൃഷ്ണ കുമാറും മലപ്പുറത്ത് അയൂബ് മേലേടത്തും കോഴിക്കോട് ഷഹിൻ നരിക്കുനിയും വയനാട്ടിൽ പീഠികക്കണ്ടി മുരളി കുമാറും കണ്ണൂരിൽ സുധീഷ് നായരും കാസർഗോഡ് ജാൻസി ജോർജും ജില്ലാതല ഉൽഘാടനം ഉൽഘാടനം നിർവഹിച്ചു. കോവിഡ് പ്രോട്ടോക്കോൾ പാലിച്ചാണ് സംസ്ഥാനത്ത് 70 കേന്ദ്രങ്ങളിൽ സപ്തതി ആഘോഷങ്ങൾ സംഘടിപ്പിച്ചത്