റാഫേല്‍ യുദ്ധവിമാനം പറപ്പിക്കുന്ന ആദ്യ ഇന്ത്യക്കാരിയായി ഫ്ളൈറ്റ് ലെഫ്റ്റനന്റ് ശിവാംഗി സിംഗ്. വാരാണസി സ്വദേശിയായ ശിവാംഗി നിലവില്‍ വ്യോമസേനയുടെ ഏറ്റവും പുതിയ യുദ്ധവിമാനം പറപ്പിക്കാനുള്ള പരിശീലനത്തിലാണ്. റാഫേല്‍ ജെറ്റ് പറപ്പിക്കാനുള്ള പരിശീലനത്തിനൊടുവില്‍ ശിവാംഗി അംബാലയിലെ പതിനേഴാം നമ്പര്‍ ഗോള്‍ഡന്‍ ആരോസ് സ്‌ക്വാഡ്രനില്‍ ചേരും.
വ്യോമസേനയുടെ പത്ത് യുദ്ധവിമാന പൈലറ്റുമാരില്‍ ഒരാളായ ശിവാംഗി 2017ലാണ് വ്യോമസേനയുടെ ഭാഗമാകുന്നത്. സേനയില്‍ ചേര്‍ന്നതിന് ശേഷം മിഗ് 21 ബിസണ്‍ എയര്‍ക്രാഫ്റ്റാണ് ശിവാഗിം പറപ്പിച്ചിരുന്നത്. രാജസ്ഥാന്‍ ആസ്ഥാനമായുള്ള യുദ്ധവിമാനത്തില്‍ സേവനം അനുഷ്ഠിക്കുകയായിരുന്നു.
ബനാറസ് ഹിന്ദു സര്‍വകലാശാലയില്‍ വിദ്യാഭ്യാസം പൂര്‍ത്തിയാക്കിയ ശിവാംഗി, 2017ലെ രണ്ടാം ബാച്ചിലെ വനിതാ യുദ്ധവിമാന പൈലറ്റുമാരിലൊരാളാണ്. റാഫേല്‍ ജെറ്റ് പറപ്പിക്കാനുള്ള പരിശീലനത്തിനൊടുവില്‍ അംബാലയിലെ പതിനേഴാം നമ്പര്‍ ഗോള്‍ഡന്‍ ആരോസ് സ്‌ക്വാഡ്രനില്‍ ചേരും.
ബനാറസ് ഹിന്ദു സര്‍വകലാശാലയില്‍ വിദ്യാഭ്യാസം പൂര്‍ത്തിയാക്കിയ ശിവാംഗി 2017-ല്‍ നിയോഗിക്കപ്പെട്ട രണ്ടാം ബാച്ചിലെ വനിതാ യുദ്ധവിമാന പൈലറ്റുമാരിലൊരാളാണ്. ബാലാകോട്ട് വ്യോമാക്രമണത്തെത്തുടര്‍ന്ന് പാകിസ്ഥാന്‍ ബന്ദിയാക്കിയ അഭിനന്ദ് വര്‍ധമാനൊപ്പവും ശിവാംഗി വിമാനം പറത്തിയിട്ടുണ്ട്. തന്ത്രപരമായ ആവശ്യങ്ങള്‍ക്കും മറ്റുമായി യുദ്ധവിമാന പൈലറ്റുമാരെ വ്യോമസേനയില്‍ ഉള്‍പ്പെടുത്തുന്നുണ്ടെന്ന് കഴിഞ്ഞയാഴ്ച്ചയാണ് പ്രതിരോധമന്ത്രി ശ്രീപദ് നായിക് പാര്‍ലമെന്റില്‍ വ്യക്തമാക്കിയത്.
ശിവാംഗിയ്ക്ക് മുന്‍പ് 2018ല്‍ ആവണി ചതുര്‍വേദിയാണ് തനിച്ച് യുദ്ധവിമാനം പറത്തിയ ആദ്യത്തെ ഇന്ത്യന്‍ വനിത. 2016 ജൂലൈയില്‍ ഫ്ളൈയിങ് ഓഫീസര്‍മാരായി നിയോഗിക്കപ്പെട്ട മൂന്നംഗ വനിതകളില്‍ ഒരാളായിരുന്നു ചതുര്‍വേദി. പരീക്ഷണാടിസ്ഥാനത്തില്‍ സ്ത്രീകളേയും യുദ്ധവിമാനം പറപ്പിക്കലിന്റെ ഭാഗമാക്കാന്‍ തീരുമാനിച്ചതിനു പിന്നാലെയായിരുന്നു ഇത്. ഭാവന കാന്ത്, മോഹന സിംഗ് എന്നിവരായിരുന്നു മറ്റു രണ്ടു വനിതാ പൈലറ്റുമാര്‍.
