കൊച്ചി കുമ്പളങ്ങിയില് മധ്യവയസ്കനെ കൊന്ന് ചെളിയില് താഴ്ത്തിയ കേസില് പുറത്ത് വരുന്നത് ഞെട്ടിക്കുന്ന വിവരങ്ങള്. മരിച്ച ആന്റണി ലാസറിന്റെ മൃതദ്ദേഹം വയര് കീറി കല്ല് നിറച്ച് ചെളിയില് താഴ്ത്താന് നിര്ദ്ദേശിച്ചത് മുഖ്യ പ്രതി ബിജുവിന്റെ ഭാര്യ രാഖിയെന്ന് പൊലീസ്.
വയര് കീറിയ ശേഷം ആന്തരീക അവയവങ്ങള് കവറിലാക്കി തോട്ടില് തള്ളിയതും രാഖിയാണെന്ന് പൊലീസ് കണ്ടെത്തി. കുമ്പളങ്ങി സ്വദേശി ബിജു സംസ്ഥാനം വിട്ടതായി പൊലീസിന് വിവരം ലഭിച്ചു. ഇയാള്ക്ക് വേണ്ടിയുള്ള തെരച്ചില് ഊര്ജിതമാക്കിയിട്ടുണ്ട്. അന്വേഷണം മറ്റു സംസ്ഥാനങ്ങളിലേക്കും വ്യാപിപ്പിക്കും.
കേസില് ബിജുവിന്റെ ഭാര്യയും സുഹൃത്തും കഴിഞ്ഞ ദിവസം അറസ്റ്റിലായിരുന്നു. ഇതിന് പിന്നാലെയാണ് പൊലീസിന് കൊലപാതകത്തെ കുറിച്ചുള്ള കൂടുതല് വിവരങ്ങള് പുറത്ത് വന്നത്.
