ഹൈദരാബാദ്: ഹൈദരാബാദില് വനിതാ വെറ്ററിനറി ഡോക്ടറെ മാനഭംഗപ്പെടുത്തിയ ശേഷം കത്തിച്ചു കൊലപ്പെടുത്തിയ കേസിലെ പ്രതികളെ പോലീസ് വെടിവച്ചുകൊന്നു. വ്യാഴാഴ്ച രാത്രി ദേശീയപാത 44-ല് ഉണ്ടായ ഏറ്റുമുട്ടലില് നാലു പ്രതികളും കൊല്ലപ്പെട്ടു എന്നാണു പോലീസിന്റെ ഒൗദ്യോഗിക വിശദീകരണം.
തെളിവെടുപ്പിനായി കുറ്റകൃത്യം നടന്ന സ്ഥലത്ത് എത്തിച്ചപ്പോള് പ്രതികള് രക്ഷപ്പെടാന് ശ്രമിച്ചെന്നും തുടര്ന്നുണ്ടായ ഏറ്റുമുട്ടലില് പ്രതികള് നാലു പേരും കൊല്ലപ്പെട്ടു എന്നുമാണ് പോലീസ് നല്കുന്ന വിവരം. മുഖ്യപ്രതിയായ ലോറി ഡ്രൈവര് മുഹമ്മദ് പാഷ എന്ന ആരിഫ്, ജോളു നവീന്, ചിന്നകേശവുലു, ജോളു ശിവ എന്നിവരാണ് കൊല്ലപ്പെട്ടത്. കൂടുതല് വിവരങ്ങള് ലഭ്യമല്ല.
