ഇന്നലെയും ഇന്നുമായി സോഷ്യല് മീഡിയയില് മധു മരിച്ചെന്നുള്ള വാര്ത്തകള് പ്രചരിക്കുന്നു. പലരും മൊബൈലില് കിട്ടിയ സന്ദേശം പലര്ക്കും അയച്ചു കൊടുക്കാനും തുടങ്ങി. നടന് മധുവിന്റെ വീട്ടിലെ ഫോണിലേക്കും മൊബൈലിലേക്കും വാര്ത്ത അറിഞ്ഞു പലരും വിളിക്കാനും തുടങ്ങി. ഇതറിഞ്ഞാണ് ദീര്ഘകാലമായി മധുവുമായി അടുത്ത ബന്ധമുള്ള ചലച്ചിത്ര സംവിധായകനും ഛായാഗ്രാഹകനുമായ ചന്ദ്രകുമാര് നേരിട്ട് മധുവിനെ വിളിക്കുകയായിരുന്നു.
മധു ഫോണ് എടുക്കാന് വൈകിയതോടെ അല്പം വിഷമം ഉണ്ടായെന്ന് ചന്ദ്രകുമാര് പറഞ്ഞു. എന്നാല് അടുത്ത സുഹൃത്തായ മധുവിന്റെ ശബ്ദം കേട്ടതോടെ ആശ്വാസമായി. ഞാന് മരിച്ചു കാണുന്നതില് പലര്ക്കും സന്തോഷം ഉണ്ട്. താന് അത്ര വേഗം മരിക്കാന് തീരുമാനിച്ചിട്ടില്ലെന്നും ഒരുപാട് കാര്യങ്ങള് ഇനിയും ചെയ്യാനുണ്ടെന്നും മധു പറഞ്ഞതായി ചന്ദ്രകുമാര് പറഞ്ഞു.
നടനും സംവിധായകനുമായ ബാലചന്ദ്രമേനോന്, ജഗതി ശ്രീകുമാര്, നടി കനക എന്നിവര് മരിച്ചതായി പല തവണ സമൂഹ മാധ്യമങ്ങളിലൂടെ വ്യാജ വാര്ത്ത പ്രചരിച്ചിരുന്നു
