തെരഞ്ഞെടുപ്പില് വിജയിച്ചതിനുശേഷം തൃശൂര് ലൂര്ദ് മാതാവിന്റെ പള്ളിയിലെത്തി മാതാവിന് സ്വര്ണ്ണ കൊന്ത സമര്പ്പിച്ച് കേന്ദ്ര സഹ മന്ത്രി സുരേഷ് ഗോപി. സുരേഷ് ഗോപി തന്നെയാണ് മാതാവിന് കൊന്ത അണിയിച്ചത്. തൃശൂരിലെ മുരളീമന്ദിരത്തിലെത്തി കെ കരുണാകരന്റെ സ്മൃതി കുടീരത്തില് പുഷ്പാര്ച്ചന നടത്തിയശേഷമാണ് സുരേഷ് ഗോപി തൃശൂരിലെ ലൂര്ദ് പള്ളിയിലെത്തിയത്. പാർട്ടി പ്രവർത്തകരുടെയും, പള്ളിയിലെ മുഴുവൻ ആളുകളുടെയും സാന്നിധ്യത്തിലായിരുന്നു കൊന്ത അണിയിച്ചത്.
തുടര്ന്ന് അവിടെ വെച്ച് പാട്ടു പാടികൊണ്ട് സുരേഷ് ഗോപി മാതാവിന് ആരാധന നടത്തി. നന്ദിയാൽ പാടുന്നുദൈവമേ എന്ന എന്ന പാട്ടാണ് സുരേഷ് ഗോപി പാടിയത്. നേരത്തെ കിരീടം സമര്പ്പിച്ച് സുരേഷ് ഗോപിയും കുടുംബവും പ്രാര്ത്ഥിക്കുന്നതിനിടെ താഴെ വീണ് മുകള് ഭാഗം വേര്പെട്ടിരുന്നു സുരേഷ് ഗോപിക്കെതിരെ രൂക്ഷ വിമർശനങ്ങളാണ് സാമൂഹമാധ്യമങ്ങളിൽ ഉയർന്നത്.സ്വര്ണ കിരീടത്തിന്റെ തൂക്കം നോക്കണമെന്ന ആവശ്യം ഉള്പ്പെടെ ഉയര്ന്നത് വിവാദവും ആയിരുന്നു.
