കൊച്ചി: എറണാകുളം ജനറല് ആശുപത്രിയില് ജീവനക്കാര്ക്ക് നേരെ രോഗികള്ക്കൊപ്പമെത്തിയ ആളുടെ അതിക്രമം. ജീവനക്കാരെ ആക്രമിക്കുകയും അസഭ്യവര്ഷം നടത്തുകയും ചെയ്യുകയുമായിരുന്നു. ആലപ്പുഴ സ്വദേശി അനില്കുമാറാണ് സംഘര്ഷമുണ്ടാക്കിയത്. സംഭവത്തില് ആശുപത്രി സംരക്ഷണ നിയമപ്രകാരം പൊലീസ് കേസെടുത്തു. കൃത്യനിര്വഹണം തടസ്സപ്പെടുത്തിയതിനാണ് കേസെടുത്തത്.
ബുധനാഴ്ച രാത്രി പതിനൊന്ന് മണിയോടെയായിരുന്നു സംഭവം. രോഗികള്ക്കൊപ്പം എത്തിയ അനില്കുമാര് ആശുപത്രി ജീവനക്കാരെ ആക്രമിക്കാന് ശ്രമിക്കുകയും വനിതാ ഡോക്ടര്ക്കും ജീവനക്കാര്ക്കും നേരെ അസഭ്യവര്ഷം നടത്തുകയുമായിരുന്നു. തുടര്ന്ന് പൊലീസും ജീവനക്കാരും ചേര്ന്ന് പ്രതിയെ കീഴടക്കുകയും ചെയ്തു. അതേസമയം പ്രതി ആക്രമിച്ചിട്ടില്ലെന്നും മദ്യപിച്ച് അസഭ്യം പറയുകയാണ് ചെയ്തതെന്നും പൊലീസ് പറഞ്ഞു.
