കാക്കനാട്: ജില്ലാ യുവജനക്ഷേമകേന്ദ്രത്തിന്റെ നേതൃത്വത്തിലുള്ള കേരള യൂത്ത് ആക്ഷന് ഫോഴ്സില് നടന് പൃഥ്വിരാജ് അംഗമായി. ദുരന്തനിവാരണപ്രവര്ത്തനങ്ങളിലും രക്ഷാപ്രവര്ത്തനങ്ങളിലും യുവതീയുവാക്കളുടെ സേവനം ഉറപ്പാക്കുന്നതിന് സംസ്ഥാന യുവജനക്ഷേമബോര്ഡിന്റെ നേതൃത്വത്തില് രൂപീകരിയ്ക്കുന്ന വോളന്റിയര് സേനയാണ് യൂത്ത് ആക്ഷന് ഫോഴ്സ്. പ്രകൃതി ദുരന്തങ്ങളുണ്ടാകുമ്പോള് അവയെ നേരിടാന് സന്നദ്ധതയും കഴിവുമുള്ള 18നും 30 വയസ്സിനുമിടയില് പ്രായമുള്ള ഒരു ലക്ഷം യുവജനങ്ങളെ തെരഞ്ഞെടുത്താണ് സംസ്ഥാനതലത്തില് സേന രൂപീകരിക്കുക. ഇതില്നിന്നും ശാരീരികക്ഷമതയും അര്പ്പണബോധവുമുള്ള 100 യുവജനങ്ങളെ വീതം ഉള്പ്പെടുത്തി ജില്ലാടിസ്ഥാനത്തില് ദുരന്തനിവാരണപ്രവര്ത്തനങ്ങളിലും രക്ഷാപ്രവര്ത്തനത്തിലും പരിശീലനം നല്കും. http://volunteer.ksywb.in എന്നതാണ് പദ്ധതിയുടെ ഓണ്ലൈന് രജിസ്ട്രേഷന് ലിങ്ക്.
