ഇസ്ലാമാബാദ്: ബലാത്സംഗ കേസില് കുറ്റവാളികളായി കണ്ടെത്തുന്നവരെ രാസഷണ്ഡീകരണം (Chemical Castration) നടത്താനുള്ള നിയമത്തിന് പാക്കിസ്ഥാന് പ്രധാനമന്ത്രി ഇമ്രാന് ഖാന് അനുമതി നല്കിയതായി റിപ്പോര്ട്ട്. ഫെഡറല് കാബിനറ്റ് മീറ്റിംഗിന് ശേഷമാണ് ഇത്തരമൊരു തീരുമാനത്തിലെത്തിയതെന്നാണ് വ്യക്തമാകുന്നത്. അതേസമയം നിയമം സംബന്ധിച്ച് ഔദ്യോഗിക പ്രഖ്യാപനം ഇതുവരെയും ഉണ്ടായിട്ടില്ല.
ഇതൊരു ഗുരുതരമായ വിഷയമാണെന്നും നടപ്പിലാക്കാന് വൈകുന്നത് അനുവദിക്കില്ലെന്നും ഇമ്രാന് ഖാന് പറഞ്ഞു. ബവലാത്സംഗക്കേസുകള് പെട്ടന്ന് കണ്ടെത്തുന്നതിനും സാക്ഷികള്ക്ക് സംരക്ഷണം നല്കുന്നതിനും കൂടുതല് വനിതാ പൊലീസിന്റെ സേവനം ഉറപ്പുവരുത്തുന്നതും കരടില് ഉള്പ്പെടുത്തിയിട്ടുണ്ട്.
ബലാത്സംഗത്തെ അതിജീവിച്ചവര്ക്ക് സധൈര്യം പരാതി നല്കാം. അവരുടെ വ്യക്തിവിവരങ്ങള് സര്ക്കാര് രഹസ്യമായി സൂക്ഷിക്കും. നിയമം പാര്ലമെന്റില് ഉടന് അവതരിപ്പിക്കുമെന്ന് തെഹ്രീക് ഇന്സാഫ് സെനറ്റര് ഫൈസല് ജാവേദ് ഖാന് പറഞ്ഞതായും മാധ്യമങ്ങള് റിപ്പോര്ട്ട് ചെയ്യുന്നു.
