ഐഎസ്എല്ലില് ആരാധകരെ ആവേശത്തിലാഴ്ത്തി കേരള ബ്ലാസ്റ്റേഴ്സിന് വീണ്ടും തകര്പ്പന് ജയം. ചെന്നൈയിന് എഫ്സിയെ എതിരില്ലാത്ത മൂന്ന് ഗോളിന് തോല്പ്പിച്ചു. തുടര്ച്ചയായ രണ്ടാം മത്സരത്തിലും ഏകപക്ഷീയ ജയം നേടിയ ബ്ലാസ്റ്റേഴ്സ് പോയിന്റ് പട്ടികയില് മൂന്നാം സ്ഥാനത്തേക്ക് ഉയര്ന്നു.
ചെന്നൈയുടെ വലയ്ക്കൊപ്പം ആരാധകരുടെ മനസ്സും നിറയ്ക്കുന്ന പ്രകടനമാണ് ബ്ലാസ്റ്റേഴ്സ് കാഴ്ചവെച്ചത്. മലയാളി താരം സഹല് അബ്ദുള് സമദ്, പെരേര ഡയസ്, അഡ്രിയാന് ലൂണ എന്നിവര് ഗോള് നേടി. ലീഗില് ഗോള് വഴങ്ങുന്നതില് പിശുക്ക് തുടരുന്ന ചെന്നൈയിനെ എതിരില്ലാത്ത മൂന്ന് ഗോളിന് നിലം പരിശാക്കിയത് വിജയക്കുതിപ്പ് തുടരാന് ഊര്ജ്ജമാകും.
ഏഴ് മത്സരങ്ങളില് നിന്നും 12 പോയിന്റുമായി ബ്ലാസ്റ്റേഴ്സ് പോയിന്റ് പട്ടികയില് മൂന്നാം സ്ഥാനത്താണ്. 15 പോയിന്റുമായി മുംബൈ സിറ്റിയാണ് ഒന്നാമത്. 12 പോയിന്റുമായി ജംഷഡ്പൂര് എഫ്സി രണ്ടാമതുണ്ട്.