ഇന്ത്യന് സൂപ്പര് ലീഗിലെ മലയാളം കമന്ററിയിലെ മിന്നും താരമായ ഷൈജു ദാമോദരന് ആശംസകള് നേര്ന്ന് മന്ത്രി വി ശിവന്കുട്ടി. ഐഎസ്എല്ലില് നാനൂറാം കമന്ററിയിലേക്കത്തവെയാണ് മന്ത്രിയുടെ ആശംസകള്. ഫേസ്ബുക്പോസ്റ്റിലൂടെയാണ് മന്ത്രി ഷൈജു ദാമോദരന് ആശംസകള് നേര്ന്നത്.
ഐഎസ്എല്ലില് ഒരു ഭാഷയിലെയും കമന്റേറ്റര്മാര്ക്ക് കൈവരിക്കാന് അകാത്ത നേട്ടമാണ് മലയാളം വിവരണത്തിലൂടെ ഷൈജു കരസ്ഥമാക്കിയത്. ഇന്ന് കേരള ബ്ലാസ്റ്റേഴ്സും ചെന്നൈയിലെ എഫ്സിയും ഏറ്റുമുട്ടുമ്പോള് ഐഎസ്എല്ലില് 400 മത്സരങ്ങള്ക്ക് കമന്ററി പറഞ്ഞുവെന്ന അസുലഭ നേട്ടം ഷൈജുവിന് സ്വന്തമാകും. ഷൈജുവിനും ഒപ്പം വിജയവഴിയിലെത്തിയ കേരള ബ്ലാസ്റ്റേഴ്സിനും എല്ലാവിധ ആശംസകളും നേരുന്നതായി മന്ത്രി കുറിച്ചു.
മന്ത്രി വി ശിവന്കുട്ടിയുടെ ഫേസ്ബുക് പോസ്റ്റ്:
ഇന്ത്യന് സൂപ്പര് ലീഗിലെ മലയാളം കമന്ററിയിലെ മിന്നും താരമാണ് ഷൈജു ദാമോദരന്. സ്പോര്ട്സ് ജര്ണലിസ്റ്റില് നിന്ന് മികച്ച കമന്റേറ്റര് പദവിയിലേക്ക് കൂടുമാറിയ ഷൈജുവിന് ധാരാളം ആരാധകര് ഇന്നുണ്ട്.
ഐഎസ്എല്ലില് ഒരു ഭാഷയിലെയും കമന്റേറ്റര്മാര്ക്ക് കൈവരിക്കാന് അകാത്ത നേട്ടമാണ് മലയാളം വിവരണത്തിലൂടെ ഷൈജു കരസ്ഥമാക്കിയത്. ഇന്ന് കേരള ബ്ലാസ്റ്റേഴ്സും ചെന്നൈയിലെ എഫ്സിയും ഏറ്റുമുട്ടുമ്പോള് ഐഎസ്എല്ലില് 400 മത്സരങ്ങള്ക്ക് കമന്ററി പറഞ്ഞുവെന്ന അസുലഭ നേട്ടം ഷൈജുവിന് സ്വന്തമാകും. ഷൈജുവിനും ഒപ്പം വിജയവഴിയിലെത്തിയ കേരള ബ്ലാസ്റ്റേഴ്സിനും എല്ലാവിധ ആശംസകളും നേരുന്നു.