ജില്ലാ ഓണോത്സവം : വടംവലി മത്സരത്തിൽ കുന്നുകര ഗ്രാമ പഞ്ചായത്തിന് ഒന്നാം സ്ഥാനം, ഒക്കൽ ഗ്രാമ പഞ്ചായത്തിന് രണ്ടാം സ്ഥാനവും ഏലൂർ നഗരസഭക്ക് മൂന്നാം സ്ഥാനവും ലഭിച്ചു.

ജില്ലാ പഞ്ചായത്തും ജില്ലാ ഭരണകൂടവും തൃക്കാക്കര നഗരസഭയും സംയുക്തമായി സംഘടിപ്പിച്ച തൃക്കാക്കരയിലെ ഓണാഘോഷങ്ങളുടെ ഭാഗമായി നടന വടം വലി മത്സരത്തിൽ കുന്നുകര ഗ്രാമ പഞ്ചായത്ത് ഒന്നാം സ്ഥാനം കരസ്ഥമാക്കി. ഒക്കൽ ഗ്രാമ പഞ്ചായത്തിന് രണ്ടാം സ്ഥാനവും ഏലൂർ നഗരസഭക്ക് മൂന്നാം സ്ഥാനവും ലഭിച്ചു.

ഒന്നാം സ്ഥാനക്കാർക്ക് 10,000 വും രണ്ടും മൂന്നും സ്ഥാനക്കാർക്ക് യഥാക്രമം 5000, 3000 രൂപ വീതവും ട്രോഫിയുമായിരുന്നു സമ്മാനം.

വിജയികൾക്ക് ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് സമ്മാന വിതരണം നടത്തി. വൈസ് പ്രസിഡന്റ് സനിതാ റഹിം അധ്യക്ഷത വഹിച്ചു. ഗ്രാമ പഞ്ചായത്ത് പ്രസിഡന്റുമാരായ കെ.എം ഷിയാസ്(ഒക്കൽ ), സൈനബാ ബാബു (കുന്നുകര ) ജില്ലാ പഞ്ചായത്ത് അംഗങ്ങളായ മനോജ് മൂത്തേടൻ, ശാരദാ മോഹൻ . ഷൈനി ജോർജ് , ലിസി അലക്സ് , അനിമോൾ ബേബി, സെക്രട്ടറി വൈ.വിജയകുമാർ , ഫിനാൻസ് ഓഫിസർ ജോബി തോമസ് എന്നിവർ സംമ്പന്ധിച്ചു.