ഇടുക്കിയില്‍ പ്രായ പൂര്‍ത്തിയാകാത്ത പെണ്‍കുട്ടികളുടെ നഗ്ന ചിത്രങ്ങളും, വീഡിയോകളും പ്രചരിപ്പിച്ച യുവ ഡോക്ടറെ അറസ്റ്റു ചെയ്തു. ഇടുക്കി കാമാക്ഷി ഗവ. കുടുംബാരോഗ്യ കേന്ദ്രത്തിലെ ഡോ.വിജിത്ത് [ 34] നെയാണ് ഇടുക്കി എസ്.പി.യുടെ പ്രത്യേക സംഘം കഴിഞ്ഞ ദിവസം അറസ്റ്റു ചെയ്തത്.
പോക്‌സോ വകുപ്പ് പ്രകാരമാണ് ഇയാളെ അറസ്റ്റ് ചെയ്തത്. ഡോക്ടറുടെ മൊബൈല്‍ ഫോണില്‍ നിന്നും, ലാപ് ടോപ്പില്‍ നിന്നും നിരവധി നഗ്‌നചിത്രങ്ങളും, വീഡിയോ ദൃശ്യങ്ങളും പൊലീസ് കണ്ടെടുത്തു.
മൊബൈല്‍ ഫോണില്‍ നിന്നും ഇയാള്‍ പ്രായ പൂര്‍ത്തിയാകാത്ത പെണ്‍കുട്ടികളുടെയുള്‍പ്പെടെ നഗ്ന ചിത്രങ്ങളും, ദൃശ്യങ്ങളും പലര്‍ക്കും പലപ്പോഴും അയച്ചു കൊടുത്തു. ഇതേ തുടര്‍ന്ന് സൈബര്‍ സെല്ലിന്റെ നിരീക്ഷണത്തിലായിരുന്നു ഇയാള്‍. ഇന്നലെ ഉച്ചയോടു കൂടി കസ്റ്റഡിയിലെടുത്തു. പിന്നീട് തങ്കമണ പൊലീസ് സ്റ്റേഷനിലെത്തിച്ച് അറസ്റ്റ് രേഖപ്പെടുത്തി.
