തിരുവനന്തപുരം: സെക്രട്ടറിയേറ്റിനെ തമ്പുരാന് കോട്ടയെന്ന് ശ്രീനാരായണ ധര്മ്മ സംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ. സംസ്ഥാനം പൂര്ണതോതില് സാമൂഹ്യ നീതി കൈവരിച്ചിട്ടില്ലെന്നും സ്വാമി പറഞ്ഞു. ശിവഗിരിയില് ശ്രീനാരായണ ഗുരു ജയന്തി ആഘോഷത്തിന്റെ ഉദ്ഘാടന വേദിയിലായിരുന്നു സ്വാമി സച്ചിദാനന്ദയുടെ വിമര്ശനം.
അധ്യക്ഷ പ്രസംഗത്തില് സ്വാമി സര്ക്കാറിനെ കടന്നാക്രമിച്ചെങ്കിലും ഉദ്ഘാടന പ്രസംഗത്തില് മന്ത്രി മുഹമ്മദ് റിയാസ് മൗനം പാലിച്ചു. തുടര്ന്ന് ആശംസ പ്രസംഗത്തില് സിപിഎം ജില്ലാ സെക്രട്ടറി കൂടിയായ വി ജോയ് എംഎല്എ സ്വാമിക്ക് മറുപടി നല്കി. പട്ടികജാതിക്കാരെ അമ്പലങ്ങളില് പൂജാരിമാരായി നിയമിച്ചത് ഓര്ക്കണമെന്ന് അദ്ദേഹം പറഞ്ഞു. പ്രതിസന്ധി ഉണ്ടായിട്ടും പൂജാരിമാരെ നിയമിക്കുകയായിരുന്നുവെന്നും എംഎല്എ കൂട്ടിച്ചേര്ത്തു.