ന്യൂഡല്‍ഹി: രാഹുല്‍ ഗാന്ധിയെ വിവാഹം കഴിപ്പിക്കൂവെന്ന് കര്‍ഷക സ്ത്രീകളുടെ ആവശ്യത്തിന് പെണ്‍കുട്ടിയെ കണ്ടെത്തുവാന്‍ ആവശ്യപ്പെട്ട് സോണിയാഗാന്ധി. ജനസമ്പര്‍ക്ക പരിപാടിയുടെ ഭാഗമായി ഹരിയാനയില്‍ നിന്നുള്ള കര്‍ഷക സ്ത്രീകളുമായി കൂടിക്കാഴ്ച നടത്തിയപ്പോഴാണ് വിവാഹക്കാര്യവുമായി സ്തരീകള്‍ സോണിയയോട് സംസാരിച്ചത്. കോണ്‍ഗ്രസ് നേതാക്കളായ രാഹുല്‍ ഗാന്ധിയും സോണിയാ ഗാന്ധിയും പ്രിയങ്കാ ഗാന്ധിയും. സോണിയാ ഗാന്ധിയുടെ വസതിയില്‍ സംഘടിപ്പിച്ച ഉച്ചഭക്ഷണ വിരുന്നിലായിരുന്നു കൂടിക്കാഴ്ച.
അവര്‍ക്കൊപ്പം ഭക്ഷണം കഴിക്കുന്നതും, സോണിയാ ഗാന്ധിയും പ്രിയങ്കാ ഗാന്ധിയും നൃത്തം ചെയ്യുന്നതുമായ വീഡിയോ വൈറലായി. ‘എനിക്കും അമ്മയ്ക്കും പ്രിയങ്കയ്ക്കും ഓര്‍മ്മിക്കാന്‍ ചില വിശിഷ്ടാതിഥികളോടൊപ്പം ഒരു ദിവസം’ എന്ന കുറിപ്പോടെ ഇതെല്ലാം ട്വിറ്ററില്‍ പങ്കുവച്ചു.
ഭാരത് ജോഡോ യാത്രയുടെ ഭാഗമായി ഹരിയാനയിലെ സോനിപത്തിലെത്തിയ രാഹുല്‍ ഗാന്ധി അവിടത്തെ കര്‍ഷകരെ തന്റെ വീട്ടിലേക്ക് ക്ഷണിച്ചിരുന്നു. കര്‍ഷക സഹോദരിമാര്‍ ഡല്‍ഹിയിലെത്തിയെന്നും വാഗ്ദാനങ്ങള്‍ പാലിക്കപ്പെട്ടുവെന്നും കോണ്‍ഗ്രസ് ട്വിറ്ററില്‍ കുറിച്ചു.
