പാലക്കാട് മരുതറോഡില് സിപിഐഎം ലോക്കല് കമ്മറ്റിയംഗം ഷാജഹാനെ വെട്ടിക്കൊലപ്പെടുത്തിയത് ആര്എസ്എസ് – ബിജെപി സംഘമാണെന്ന് സിപിഐഎം സംസ്ഥാന സെക്രട്ടറിയേറ്റ്. കൊലപാതകത്തിന്റെ പേരില് ചില മാധ്യമങ്ങളുടെ സഹായത്തോടെ ആര്എസ്എസ് സംഘം തെറ്റായ പ്രചാരണം അഴിച്ചു വിട്ടിരിക്കുകയാണ്. കൊല നടത്തിയിട്ടും അതിന്റെ പേരില് വ്യാജ പ്രചാരണം അഴിച്ചു വിടുന്നത് കൊടും ക്രൂരതയാണെന്ന് സിപിഐഎം പ്രസ്താവനയില് വ്യക്തമാക്കി.
ആറ് വര്ഷത്തിനിടെ 17 സിപിഐഎം പ്രവര്ത്തകരെയാണ് ആര്എസ്എസ് കൊലപ്പെടുത്തിയത്. ഓരോ കൊലപാതകത്തിനു ശേഷവും മനുഷ്യത്വഹീനമായ പ്രചാരണം നടത്താനും രക്തസാക്ഷികളുടെ കുടുംബത്തെയടക്കം അപമാനിക്കാനും മടിയില്ലാത്തവരാണ് ആര്എസ്എസ് സംഘം. സംഘപരിവാറിന്റെ കൊടിയ വര്ഗീയ രാഷ്ട്രീയത്തിന് കേരളത്തില് സിപിഐഎമ്മാണ് മുഖ്യതടസം എന്ന് തിരിച്ചറിഞ്ഞാണ് നിരന്തരമായി പ്രവര്ത്തകരെ വേട്ടയാടുന്നതെന്നും സിപിഐഎം സംസ്ഥാന സെക്രട്ടറിയേറ്റ് പ്രസ്താവനയില് പറഞ്ഞു.
ഉന്നത വിജയം നേടിയ വിദ്യാര്ഥികളെ അനുമോദിക്കാന് ഷാജഹാന്റെ നേതൃത്വത്തില് ബോര്ഡ് വച്ചപ്പോള് അത് മാറ്റി അതേ സ്ഥലത്ത് തന്നെ ശ്രീകൃഷ്ണജയന്തിയുടെ ബോര്ഡ് വയ്ക്കാന് ആര്എസ്എസ് സംഘം ശ്രമിച്ചു. ഇതുമായി ബന്ധപ്പെട്ട തര്ക്കത്തിനൊടുവില് ഷാജഹാനെ വെട്ടി വീഴ്ത്തുകയായിരുന്നു. നിഷ്ഠൂരമായി കൊലനടത്തിയിട്ടും അതിന്റെ പേരില് വ്യാജ പ്രചാരണം അഴിച്ചു വിടുന്നത് കൊടും ക്രൂരതയാണ്. കേരളത്തില് മാത്രം ആറ് വര്ഷത്തിനിടെ 17 സിപിഐഎം പ്രവര്ത്തകരെയാണ് ആര്എസ്എസ് ക്രിമിനല് സംഘങ്ങള് കൊലപ്പെടുത്തിയത്. ഓരോ കൊലപാതകത്തിനു ശേഷവും മനുഷ്യത്വഹീനമായ പ്രചാരണം നടത്താനും രക്തസാക്ഷികളുടെ കുടുംബത്തെയടക്കം അപമാനിക്കാനും മടിയില്ലാത്തവരാണ് ഇക്കൂട്ടര്.
സംഘപരിവാറിന്റെ കൊടിയ വര്ഗീയ രാഷ്ട്രീയത്തിന് കേരളത്തില് സിപിഐഎം ആണ് മുഖ്യതടസം എന്ന് തിരിച്ചറിഞ്ഞാണ് നിരന്തരമായി പ്രവര്ത്തകരെ വേട്ടയാടുന്നത്. സംസ്ഥനത്ത് പുലരുന്ന സമാധാനവും സൈ്വര്യ ജീവിതവും തകര്ത്ത് കലാപമുണ്ടാക്കലാണ് ആര്എസ്എസ് ലക്ഷ്യം. അക്രമികളെ ഒറ്റപ്പെടുത്തിയും ജനങ്ങളുടെ പിന്തുണയോടെ ജനാധിപത്യപരമായി പ്രതിഷേധിച്ചും ആര്എസ്എസ് – ബിജെപി ഭീഷണിയെ നേരിടും. എല്ലാ വ്യാജ പ്രചാരണങ്ങളും തിരിച്ചറിഞ്ഞ് ജനങ്ങള് അവ തള്ളിക്കളയണം. സിപിഐഎം പ്രസ്താവനയില് വ്യക്തമാക്കി.
