കോട്ടയം: ഉമ്മന് ചാണ്ടിയുടെ കഥ പറഞ്ഞാല് സി.പി.എമ്മിന് വേവലാതിയാണ്. മരിച്ചിട്ടും ഉമ്മന് ചാണ്ടിയുടെ ഓര്മകളേയും പേരിനെയും ഭയപ്പെടുന്ന ഭീരുക്കളാണ് അവര്. മരിച്ച ഉമ്മന് ചാണ്ടിയെ വീണ്ടും കൊല്ലാന് ശ്രമിക്കുന്ന എല്.ഡി.എഫ് നയം കിരാതമാണെന്നും കെ.പി.സി.സി അധ്യക്ഷന് കെ. സുധാകരന് പറഞ്ഞു. പുതുപ്പള്ളി നിയോജക മണ്ഡലം തിരഞ്ഞെടുപ്പ് കണ്വെന്ഷനില് സംസാരിക്കുകയായിരുന്നു അദ്ദേഹം
അപമാനിക്കാവുന്നതിന്റെ പരമാവധി ഉമ്മന് ചാണ്ടിയെ അവര് അപമാനിച്ച് നാണംകെടുത്തിയെന്നും സുധാകരന് പറഞ്ഞു. ഉമ്മന് ചാണ്ടിയെ പ്രകീര്ത്തിച്ചുകൊണ്ട് വോട്ട് ചോദിക്കുന്നുവെന്ന് പറയാൻ ഇടതുപക്ഷത്തിന് നാണമുണ്ടോ എന്നും സുധാകരന് ചോദിച്ചു.
അവിടെയൊരു മോദി ഇവിടെയൊരു പിണറായി എന്ന് നേരത്തെ വേണുഗോപാല് പറയുകയുണ്ടായി. രണ്ടും നല്ല സാമ്യമുള്ളവര്, ഏകാധിപതികള്. ആരോടും ഒരു കടപ്പാടുമില്ലാത്തവര്. ജനങ്ങളോട് ബാധ്യതയും കൂറുമില്ലാത്തവര്. ജനങ്ങളുടെ വികാരത്തെക്കുറിച്ച് ഒരു ആശങ്കയും ഇവര്ക്കില്ലന്നും സുധാകരന് ആരോപിച്ചു.