കേരളത്തില് ലൗ ജിഹാദിനൊപ്പം നാര്ക്കോട്ടിക് ജിഹാദും നടക്കുന്നുണ്ടെന്ന പാലാ ബിഷപ്പിന്റെ വിവാദമായ പ്രസ്ഥാവന തള്ളി പിടി തോമസ് സമുദായങ്ങളെ ഭിന്നിപ്പിക്കാന് ഇന്ധനം നല്കരുതെന്ന്് എംഎല്എ പറഞ്ഞു. പാല ബിഷപ്പ് മാര് ജോസഫ് കല്ലറങ്ങാടിന്റെതായി പുറത്ത് വന്ന വാര്ത്ത സമുദായ സൗഹാര്ദ്ധം വളര്ത്താന് ഉപകരിക്കുന്നതല്ല. സാമ്പത്തിക ലാഭവും വ്യക്തികളുടെ സ്വര്ത്ഥതയുമാണ് കുറ്റകൃത്യങ്ങളുടെ കാതല്. ജാതി മതാടിസ്ഥാനത്തില് കുറ്റവാളികള് പ്രവര്ത്തിക്കുന്നതു ആധുനിക കാലഘട്ടത്തില് വിരളമാണ്. ഇത്തരം നിരീക്ഷണങ്ങള് സമൂഹത്തിലുണ്ടാക്കുന്ന വിള്ളല് അപകടരമാണ്.
ക്രിസ്ത്യന് മതത്തില് പെട്ട പെണ്കുട്ടികളെയും യുവാക്കളെയും ലൗ ജിഹാദിനൊപ്പം നാര്ക്കോട്ടിക് ജിഹാദിലൂടെയും വഴിതെറ്റിക്കുന്നെന്നും ഇതിന് സഹായം നല്കുന്ന ഒരു വിഭാഗം കേരളത്തില് പ്രവര്ത്തിക്കുന്നുണ്ടെന്നും ബിഷപ്പ് മാര് ജോസഫ് കല്ലറങ്ങാട്ട് ആരോപിച്ചു. എട്ട് നോമ്പ് പെരുന്നാളിനോടനുബന്ധിച്ച് കുറുവിലങ്ങാട് പള്ളിയില് നടത്തിയ പ്രസംഗത്തിലാണ് ബിഷപ്പിന്റെ പരാമര്ശം.
ഇതിന് പിന്നാലെ പാലാ ബിഷപ്പിനെ പിന്തുണച്ചെത്തിയ യൂത്ത് കോണ്ഗ്രസ് പാലാ മണ്ഡലം കമ്മിറ്റിയെ സംസ്ഥാന നേതൃത്വം താക്കീത് ചെയ്തു. ബിഷപ്പിനെ സാമൂഹ്യ വിരുദ്ധനായി ചിത്രീകരിക്കാനുള്ള പ്രചരണങ്ങളെ ചെറുക്കുമെന്നും സിപിഐഎമ്മും ബിജെപിയും ഇക്കാര്യത്തില് രാഷ്ട്രീയ മുതലെടുപ്പിന് ശ്രമിക്കുകയാണെന്നും യൂത്ത് കോണ്ഗ്രസ് പാലാ മണ്ഡലം കമ്മിറ്റി ഭിപ്രായപ്പെട്ടു. എന്നാല് യൂണിറ്റിനെ തള്ളി യൂത്ത് കോണ്ഗ്രസ് സംസ്ഥാന കമ്മിറ്റി നിലപാടെടുത്തിരുന്നു.
