ഇരട്ട വോട്ട് വിവാദത്തില് ക്രൈംബ്രാഞ്ച് കേസെടുത്തു. വോട്ടര് പട്ടിക ചോര്ത്തിയെന്ന തിരഞ്ഞെടുപ്പ് കമ്മിഷന്റെ പരാതിയിലാണ് കേസെടുത്തത്. ജോയിന്റ് ചീഫ് ഇലക്ട്രറല് ഓഫീസറാണ് ക്രൈംബ്രാഞ്ചിന് നല്കിയ പരാതിയിലാണ് എഫ്ഐആര് രേഖപ്പെടുത്തി ക്രൈംബ്രാഞ്ച് കേസ് അന്വേഷണം ആരംഭിച്ചിട്ടുള്ളത്.
ഐടി ആക്ട്, ഗൂഢാലോചന, മോഷണം തുടങ്ങിയ കുറ്റങ്ങള് ചുമത്തിയാണ് കേസെടുത്തത്. കമ്മിഷന് ഓഫിസിലെ ലാപ്ടോപ്പില് നിന്ന് വിവരങ്ങള് ചോര്ന്നെന്നാണ് എഫ്.ഐ.ആര്. രണ്ടുകോടി 67 ലക്ഷം വോട്ടര്മാരുടെ വിശദാംശങ്ങള് ചോര്ന്നെന്നാണ് പരാതി.
തിരുവനന്തപുരം യൂണിറ്റ് എസ്പി ഷാനവാസിനാണ് അന്വേഷണ ചുമതല. കമ്മിഷന് ഓഫിസിലെ ലാപ്ടോപിലെ വിവരങ്ങള് ചോര്ന്നുവെന്നാണ് ക്രൈംബ്രാഞ്ച് എഫ്ഐആറില് പറയുന്നു. പ്രാഥമിക പരിശോധനയില് ലാപ്ടോപിലെ വിവരങ്ങള് ചോര്ന്നുവെന്നായി കണ്ടെത്തിയെന്ന് എഫ്ഐആറില് വ്യക്തമാക്കുന്നുണ്ട്.
