കണ്ണൂര്‍: മുഖ്യമന്ത്രി പിണറായി വിജയന്റെ അകമ്പടി വാഹനങ്ങള്‍ വഴിയില്‍ കുടുങ്ങിയതോടെ മുഖ്യമന്ത്രി പിണറായിയിലെത്തിയത് അകമ്പടി വാഹനങ്ങളില്ലാതെ മുഖ്യമന്ത്രിയുടെ വിഐപി വാഹനം കടന്നു പോയതിനു ശേഷം പിന്നാലെ എത്തിയ ജില്ലാ ആശുപത്രിയുടെ ആംബുലന്‍സാണ് തലശ്ശേരി റെയില്‍വേ സ്റ്റേഷന്‍ ബില്‍ഡിങ്ങില്‍ കുടുങ്ങിയത്.
പുലര്‍ച്ചെ 4.45ന മാവേലി എക്സ്പ്രസില്‍ തലശ്ശേരിയിലെത്തി. പിന്നീട് അവിടെ നിന്നും പിണറായിയിലേക്ക് പോകുന്ന വഴിയിലായിരുന്നു സംഭവം. ആംമ്പുലന്‍സ് കുടുങ്ങിയതോടെ മറ്റു അകമ്പടി വാഹനങ്ങളും തടസം നേരിട്ടു. ഇതോടെയാണ് സുരക്ഷ വാഹനങ്ങളില്ലാതെ മുഖ്യമന്ത്രി പിണറായിലെ വീട്ടിലെത്തിയത്. ഒടുവില്‍ ആംബുലന്‍സിന്റെ ടയറിന്റെ കാറ്റഴിച്ചാണ് വാഹനം മുന്നോട്ട് പോയത്. ഫയര്‍ഫോഴ്സ് അടക്കം മറ്റു അകമ്പടി വാഹനങ്ങളെത്തിയതും മുഖ്യമന്ത്രി വീട്ടിലെത്തിയ ശേഷവും.
